𑁩. 𑀪𑀺𑀓𑁆𑀔𑀼𑀲𑀼𑀢𑁆𑀢𑀯𑀡𑁆𑀡𑀦𑀸

𑁩𑁬𑁯. 𑀬𑀲𑁆𑀫𑀸 𑀲𑁄 𑀪𑀺𑀓𑁆𑀔𑀼 ‘‘𑀤𑁂𑀲𑁂𑀢𑀼 𑀫𑁂, 𑀪𑀦𑁆𑀢𑁂, 𑀪𑀕𑀯𑀸 𑀲𑀁𑀔𑀺𑀢𑁆𑀢𑁂𑀦 𑀥𑀫𑁆𑀫’’𑀦𑁆𑀢𑀺 𑀲𑀁𑀔𑀺𑀢𑁆𑀢𑁂𑀦 𑀥𑀫𑁆𑀫𑀤𑁂𑀲𑀦𑀁 𑀬𑀸𑀘𑀺, 𑀢𑀲𑁆𑀲 𑀲𑀁𑀔𑀺𑀢𑁆𑀢𑀭𑀼𑀘𑀺𑀪𑀸𑀯𑀢𑁄, 𑀢𑀲𑁆𑀫𑀸 𑀲𑀁𑀔𑀺𑀢𑁆𑀢𑁂𑀦𑁂𑀯 𑀥𑀫𑁆𑀫𑀁 𑀤𑁂𑀲𑁂𑀢𑀼𑀓𑀸𑀫𑁄 𑀪𑀕𑀯𑀸 ‘‘𑀢𑀲𑁆𑀫𑀸𑀢𑀺𑀳𑀸’’𑀢𑀺𑀆𑀤𑀺𑀫𑀸𑀳𑀸𑀢𑀺 𑀯𑀼𑀢𑁆𑀢𑀁 𑁋 ‘‘𑀬𑀲𑁆𑀫𑀸 𑀲𑀁𑀔𑀺𑀢𑁆𑀢𑁂𑀦 𑀤𑁂𑀲𑀦𑀁 𑀬𑀸𑀘𑀲𑀺, 𑀢𑀲𑁆𑀫𑀸’’𑀢𑀺. 𑀓𑀫𑁆𑀫𑀲𑁆𑀲𑀓𑀢𑀸𑀤𑀺𑀝𑁆𑀞𑀺𑀓𑀲𑁆𑀲𑁂𑀯 𑀮𑁄𑀓𑀺𑀬𑀮𑁄𑀓𑀼𑀢𑁆𑀢𑀭𑀕𑀼𑀡𑀯𑀺𑀲𑁂𑀲𑀸 𑀇𑀚𑁆𑀛𑀦𑁆𑀢𑀺, 𑀦 𑀤𑀺𑀝𑁆𑀞𑀺𑀯𑀺𑀧𑀦𑁆𑀦𑀲𑁆𑀲, 𑀢𑀲𑁆𑀫𑀸 𑀯𑀼𑀢𑁆𑀢𑀁 ‘‘𑀤𑀺𑀝𑁆𑀞𑀻𑀢𑀺 𑀓𑀫𑁆𑀫𑀲𑁆𑀲𑀓𑀢𑀸𑀤𑀺𑀝𑁆𑀞𑀻’’𑀢𑀺.