𑁬. 𑀅𑀪𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁩𑁭. 𑀏𑀓𑀁𑀲𑁂𑀦 𑀪𑀕𑀯𑀸 𑀦𑀻𑀯𑀭𑀡𑀸𑀢𑀺 𑀏𑀓𑀁𑀲𑀢𑁄 𑀏𑀯 𑀪𑀕𑀯𑀸 𑀏𑀢𑁂 𑀥𑀫𑁆𑀫𑀸 𑀦𑀻𑀯𑀭𑀡𑀸 𑀘𑀺𑀢𑁆𑀢𑁂 𑀓𑀼𑀲𑀮𑀧𑁆𑀧𑀯𑀢𑁆𑀢𑀺𑀬𑀸 𑀦𑀻𑀯𑀭𑀡𑀢𑁄. 𑀓𑀸𑀬𑀓𑀺𑀮𑀫𑀣𑁄𑀢𑀺 𑀓𑀸𑀬𑀧𑀭𑀺𑀲𑁆𑀲𑀫𑁄, 𑀲𑁄 𑀧𑀦 𑀅𑀝𑁆𑀞𑀼𑀧𑁆𑀧𑀢𑁆𑀢𑀺𑀬𑀸 𑀧𑀘𑁆𑀘𑀬𑀢𑁆𑀢𑀸 ‘‘𑀤𑀭𑀣𑁄’’𑀢𑀺 𑀯𑀼𑀢𑁆𑀢𑁄. 𑀘𑀺𑀢𑁆𑀢𑀓𑀺𑀮𑀫𑀣𑁄 𑀢𑀧𑁆𑀧𑀘𑁆𑀘𑀬𑀚𑀸𑀢𑁄 𑀤𑀝𑁆𑀞𑀩𑁆𑀩𑁄. 𑀢𑁂𑀦𑀸𑀳 𑁋 ‘‘𑀢𑀲𑁆𑀲 𑀓𑀺𑀭𑀸’’𑀢𑀺𑀆𑀤𑀺. 𑀘𑀺𑀢𑁆𑀢𑀤𑀭𑀣𑁄𑀧𑀺 𑀧𑀝𑀺𑀧𑁆𑀧𑀲𑁆𑀲𑀫𑁆𑀪𑀻𑀢𑀺 𑀆𑀦𑁂𑀢𑁆𑀯𑀸 𑀲𑀫𑁆𑀩𑀦𑁆𑀥𑁄. 𑀫𑀕𑁆𑀕𑁂𑀦𑁂𑀯𑀸𑀢𑀺 𑀬𑀣𑀸𑀥𑀺𑀕𑀢𑁂𑀦 𑀅𑀭𑀺𑀬𑀫𑀕𑁆𑀕𑁂𑀦𑁂𑀯. 𑀅𑀲𑁆𑀲𑀸𑀢𑀺 𑀅𑀪𑀬𑀲𑁆𑀲 𑀭𑀸𑀚𑀓𑀼𑀫𑀸𑀭𑀲𑁆𑀲. 𑀏𑀢𑀁 𑀓𑀸𑀬𑀘𑀺𑀢𑁆𑀢𑀤𑀭𑀣𑀤𑁆𑀯𑀬𑀁.

𑀅𑀪𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀸𑀓𑀘𑁆𑀙𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.