𑁩-𑁫. 𑀞𑀸𑀦𑀺𑀬𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁦𑁪-𑁨𑁦𑁬. 𑀓𑀸𑀫𑀭𑀸𑀕𑁂𑀦 𑀕𑀥𑀺𑀢𑀩𑁆𑀩𑀝𑁆𑀞𑀸𑀦𑀪𑀽𑀢𑀸 𑀓𑀸𑀫𑀭𑀸𑀕𑀝𑁆𑀞𑀸𑀦𑀺𑀬𑀸𑀢𑀺 𑀆𑀳 ‘‘𑀆𑀭𑀫𑁆𑀫𑀡𑀥𑀫𑁆𑀫𑀸𑀦’’𑀦𑁆𑀢𑀺. ‘‘𑀫𑀦𑀲𑀺𑀓𑀸𑀭𑀩𑀳𑀼𑀮𑀻𑀓𑀸𑀭𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 ‘‘𑀆𑀭𑀫𑁆𑀫𑀡𑁂𑀦𑁂𑀯 𑀓𑀣𑀺𑀢’’𑀦𑁆𑀢𑀺 𑀯𑀼𑀢𑁆𑀢𑀁. 𑀯𑀼𑀢𑁆𑀢𑀧𑀭𑀺𑀘𑁆𑀙𑁂𑀤𑁄𑀢𑀺 𑀏𑀢𑁂𑀦 𑀦 𑀓𑁂𑀯𑀮𑀁 𑀆𑀭𑀫𑁆𑀫𑀡𑀯𑀲𑁂𑀦𑁂𑀯, 𑀅𑀣 𑀔𑁄 𑀉𑀧𑀦𑀺𑀲𑁆𑀲𑀬𑀯𑀲𑁂𑀦𑀧𑁂𑀢𑁆𑀣 𑀅𑀢𑁆𑀣𑁄 𑀮𑀩𑁆𑀪𑀢𑀻𑀢𑀺 𑀤𑀲𑁆𑀲𑁂𑀢𑀺. 𑀧𑀞𑀫𑀯𑀕𑁆𑀕𑀲𑁆𑀲 𑀳𑀺 𑀤𑀼𑀢𑀺𑀬𑁂 𑀲𑀼𑀢𑁆𑀢𑁂 𑀉𑀧𑀦𑀺𑀲𑁆𑀲𑀬𑀯𑀲𑁂𑀦𑁂𑀯 𑀅𑀢𑁆𑀣𑁄 𑀤𑀲𑁆𑀲𑀺𑀢𑁄. 𑀫𑀺𑀲𑁆𑀲𑀓𑀩𑁄𑀚𑁆𑀛𑀗𑁆𑀕𑀸 𑀓𑀣𑀺𑀢𑀸 𑀅𑀯𑀺𑀪𑀸𑀕𑁂𑀦𑁂𑀯 𑀓𑀣𑀺𑀢𑀢𑁆𑀢𑀸. 𑀅𑀧𑀭𑀺𑀳𑀸𑀦𑀺𑀬𑁂𑀢𑀺 𑀢𑀻𑀳𑀺 𑀲𑀺𑀓𑁆𑀔𑀸𑀳𑀺 𑀅𑀧𑀭𑀺𑀳𑀸𑀦𑀸𑀯𑀳𑁂.