𑁩. 𑀓𑁄𑀝𑀺𑀕𑀸𑀫𑀯𑀕𑁆𑀕𑁄

𑁧. 𑀓𑁄𑀝𑀺𑀕𑀸𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁧. 𑀅𑀦𑀦𑀼𑀩𑁄𑀥𑀸𑀢𑀺 𑀧𑀝𑀺𑀯𑁂𑀥𑀲𑁆𑀲 𑀅𑀦𑀼𑀭𑀽𑀧𑀩𑁄𑀥𑀸𑀪𑀸𑀯𑁂𑀦. 𑀅𑀧𑁆𑀧𑀝𑀺𑀯𑁂𑀥𑀸𑀢𑀺 𑀲𑀘𑁆𑀘𑀸𑀦𑀁 𑀧𑀝𑀺𑀫𑀼𑀔𑀁 𑀯𑁂𑀥𑀸𑀪𑀸𑀯𑁂𑀦.

𑁨. 𑀤𑀼𑀢𑀺𑀬𑀓𑁄𑀝𑀺𑀕𑀸𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁨. 𑀨𑀮𑀲𑀫𑀸𑀥𑀺𑀨𑀮𑀧𑀜𑁆𑀜𑀸𑀦𑀦𑁆𑀢𑀺 𑀅𑀕𑁆𑀕𑀨𑀮𑀲𑀫𑀸𑀥𑀺𑀅𑀕𑁆𑀕𑀨𑀮𑀧𑀜𑁆𑀜𑀸𑀦𑀁.

𑁭. 𑀢𑀣𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁭. 𑀅𑀭𑀺𑀬𑀸𑀦𑀦𑁆𑀢𑀺 𑀩𑀼𑀤𑁆𑀥𑀸𑀦𑀁 𑀅𑀭𑀺𑀬𑀸𑀦𑀁. 𑀢𑁂𑀦𑀸𑀳 ‘‘𑀦 𑀳𑀻’’𑀢𑀺𑀆𑀤𑀺.

𑁮. 𑀮𑁄𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁯𑁮. 𑀧𑀝𑀺𑀯𑀺𑀤𑁆𑀥𑀢𑁆𑀢𑀸 𑀤𑁂𑀲𑀺𑀢𑀢𑁆𑀢𑀸 𑀘𑀸𑀢𑀺 𑀇𑀫𑀺𑀦𑀸 𑀧𑀝𑀺𑀯𑁂𑀥𑀜𑀸𑀡𑁂𑀦 𑀤𑁂𑀲𑀦𑀸𑀜𑀸𑀡𑁂𑀦 𑀘 𑀧𑀭𑀺𑀕𑁆𑀕𑀳𑀺𑀢𑀢𑁆𑀢𑀸 𑀅𑀭𑀺𑀬𑀲𑀦𑁆𑀢𑀓𑀸𑀦𑀺 𑀳𑁄𑀦𑁆𑀢𑀺 𑀅𑀭𑀺𑀬𑀲𑁆𑀲 𑀪𑀕𑀯𑀢𑁄 𑀲𑀦𑁆𑀢𑀓𑀪𑀸𑀯𑀢𑁄.

𑁧𑁦. 𑀕𑀯𑀫𑁆𑀧𑀢𑀺𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁧𑁦𑁦. 𑀏𑀓𑀧𑁆𑀧𑀝𑀺𑀯𑁂𑀥𑁄𑀢𑀺 𑀏𑀓𑁂𑀦𑁂𑀯 𑀜𑀸𑀡𑁂𑀦 𑀘𑀢𑀼𑀦𑁆𑀦𑀁 𑀅𑀭𑀺𑀬𑀲𑀘𑁆𑀘𑀸𑀦𑀁 𑀏𑀓𑀚𑁆𑀛𑀁 𑀧𑀝𑀺𑀯𑁂𑀥𑁄.

𑀓𑁄𑀝𑀺𑀕𑀸𑀫𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.