𑁪. 𑀕𑀺𑀮𑀸𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁫𑁦. 𑀦 𑀔𑁄 𑀧𑀦𑁂𑀢𑀦𑁆𑀢𑀺 𑀦 𑀔𑁄 𑀏𑀢𑀁, 𑀦𑁄𑀢𑀺 𑀘 𑀅𑀫𑁆𑀳𑁂𑀳𑀻𑀢𑀺 𑀅𑀢𑁆𑀣𑁄𑀢𑀺 𑀆𑀳 ‘‘𑀦 𑀔𑁄 𑀅𑀫𑁆𑀳𑁂𑀳𑀻’’𑀢𑀺𑀆𑀤𑀺. 𑀅𑀲𑁆𑀲𑀲𑀦𑁆𑀢𑀻𑀢𑀺 𑀅𑀲𑁆𑀲𑀸𑀲𑀦𑀻𑀬𑀸𑀢𑀺 𑀆𑀳 ‘‘𑀅𑀲𑁆𑀲𑀸𑀲𑀓𑀭𑁂𑀳𑀻’’𑀢𑀺. 𑀫𑀭𑀺𑀲𑁆𑀲𑀢𑀻𑀢𑀺 𑀫𑀸𑀭𑀺𑀲𑁄, 𑀏𑀓𑀦𑁆𑀢𑀪𑀸𑀯𑀺𑀫𑀭𑀡𑁄, 𑀲𑁄 𑀧𑀦 𑀫𑀭𑀡𑀸𑀥𑀻𑀦𑀯𑀼𑀢𑁆𑀢𑀺𑀓𑁄𑀢𑀺 𑀯𑀼𑀢𑁆𑀢𑀁 ‘‘𑀫𑀭𑀡𑀧𑀝𑀺𑀩𑀤𑁆𑀥𑁄’’𑀢𑀺. 𑀅𑀥𑀺𑀫𑀼𑀘𑁆𑀘𑁂𑀳𑀻𑀢𑀺 𑀅𑀥𑀺𑀫𑀼𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀳𑀺. 𑀢𑀁 𑀧𑀦 𑀢𑀣𑀸 𑀘𑀺𑀢𑁆𑀢𑀲𑁆𑀲 𑀧𑀡𑀺𑀥𑀸𑀦𑀁 𑀞𑀧𑀦𑀦𑁆𑀢𑀺 𑀆𑀳 ‘‘𑀞𑀧𑁂𑀳𑀻’’𑀢𑀺. 𑀆𑀕𑀫𑀦𑀻𑀬𑀕𑀼𑀡𑁂𑀲𑀽𑀢𑀺 𑀧𑀼𑀩𑁆𑀩𑀪𑀸𑀕𑀕𑀼𑀡𑁂𑀲𑀼. 𑀧𑀫𑀸𑀡𑀁 𑀦𑀸𑀫 𑀦𑀢𑁆𑀣𑀺 𑀅𑀦𑀦𑁆𑀢𑀸𑀧𑀭𑀺𑀫𑀸𑀡𑀢𑁆𑀢𑀸. 𑀦𑀸𑀦𑀸𑀓𑀭𑀡𑀁 𑀦𑀢𑁆𑀣𑀺 𑀯𑀺𑀫𑀼𑀢𑁆𑀢𑀺𑀬𑀸 𑀦𑀺𑀦𑁆𑀦𑀸𑀦𑀢𑁆𑀢𑀸.