𑁧𑁦. 𑀏𑀲𑀦𑀸𑀯𑀕𑁆𑀕𑁄

𑁧. 𑀏𑀲𑀦𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁬𑁧. 𑀓𑀸𑀫𑀸𑀦𑀦𑁆𑀢𑀺 𑀯𑀢𑁆𑀣𑀼𑀓𑀸𑀫𑀓𑀺𑀮𑁂𑀲𑀓𑀸𑀫𑀸𑀦𑀁. 𑀓𑀺𑀮𑁂𑀲𑀓𑀸𑀫𑁄𑀧𑀺 𑀳𑀺 𑀓𑀸𑀫𑀺𑀢𑀦𑁆𑀢𑀺 𑀧𑀭𑀺𑀓𑀧𑁆𑀧𑀺𑀢𑁂𑀦 𑀯𑀺𑀥𑀺𑀦𑀸 𑀘 𑀅𑀥𑀺𑀓𑀭𑀸𑀕𑁂𑀳𑀺 𑀏𑀲𑀦𑀻𑀬𑁄. 𑀪𑀯𑀸𑀦𑀦𑁆𑀢𑀺 𑀢𑀺𑀡𑁆𑀡𑀁 𑀕𑀢𑀻𑀦𑀁. 𑀤𑀺𑀝𑁆𑀞𑀺𑀕𑀢𑀺𑀓𑀧𑀭𑀺𑀓𑀧𑁆𑀧𑀺𑀢𑀲𑁆𑀲 𑀩𑁆𑀭𑀳𑁆𑀫𑀘𑀭𑀺𑀬𑀲𑁆𑀲 𑀦𑀺𑀫𑀺𑀢𑁆𑀢𑀪𑀸𑀯𑀢𑁄 𑀫𑀺𑀘𑁆𑀙𑀸𑀤𑀺𑀝𑁆𑀞𑀺 ‘‘𑀩𑁆𑀭𑀳𑁆𑀫𑀘𑀭𑀺𑀬’’𑀦𑁆𑀢𑀺 𑀅𑀥𑀺𑀧𑁆𑀧𑁂𑀢𑀸.

𑁨-𑁧𑁧. 𑀯𑀺𑀥𑀸𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁬𑁨-𑁧𑁭𑁧. 𑀲𑁂𑀬𑁆𑀬𑁄𑀳𑀫𑀲𑁆𑀫𑀻𑀢𑀺𑀆𑀤𑀺𑀦𑀸 𑀢𑀁𑀢𑀁𑀯𑀺𑀪𑀸𑀕𑁂𑀦 𑀥𑀻𑀬𑀦𑁆𑀢𑀺 𑀯𑀺𑀥𑀻𑀬𑀦𑁆𑀢𑀻𑀢𑀺 𑀯𑀺𑀥𑀸, 𑀫𑀸𑀦𑀓𑁄𑀝𑁆𑀞𑀸𑀲𑀸, 𑀫𑀸𑀦𑀝𑁆𑀞𑀧𑀦𑀸 𑀯𑀸. 𑀦𑀻𑀳𑀦𑀦𑁆𑀢𑀻𑀢𑀺 𑀯𑀺𑀩𑀸𑀥𑁂𑀦𑁆𑀢𑀺.

𑀏𑀲𑀦𑀸𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.