𑁭. 𑀉𑀧𑀲𑁂𑀦𑀆𑀲𑀻𑀯𑀺𑀲𑀲𑀼𑀢𑁆𑀢𑀯𑀡𑁆𑀡𑀦𑀸

𑁬𑁯. 𑀕𑀳𑁂𑀢𑁆𑀯𑀸𑀢𑀺 𑀧𑀸𑀭𑀼𑀧𑀦𑀲𑁆𑀲 𑀲𑀺𑀣𑀺𑀮𑀓𑀭𑀡𑁂𑀦 𑀯𑀻𑀫𑀁𑀲𑀢𑁄 𑀫𑁄𑀘𑁂𑀢𑁆𑀯𑀸. 𑀮𑁂𑀡𑀘𑁆𑀙𑀸𑀬𑀸𑀬𑀸𑀢𑀺 𑀧𑀼𑀭𑀺𑀫𑀤𑀺𑀲𑀸𑀬 𑀮𑁂𑀡𑀘𑁆𑀙𑀸𑀬𑀸𑀬𑀁. 𑀧𑀢𑀺𑀢𑁆𑀯𑀸𑀢𑀺 𑀮𑁂𑀡𑀘𑁆𑀙𑀤𑀦𑀢𑁄 𑀪𑀲𑁆𑀲𑀺𑀢𑁆𑀯𑀸. 𑀨𑀼𑀝𑁆𑀞𑀯𑀺𑀲𑁄𑀢𑀺 𑀘𑀢𑀽𑀲𑀼 𑀆𑀲𑀻𑀯𑀺𑀲𑁂𑀲𑀼 𑀲𑁄 𑀨𑀼𑀝𑁆𑀞𑀯𑀺𑀲𑁄. 𑀢𑁂𑀦𑀸𑀳 ‘‘𑀢𑀲𑁆𑀫𑀸’’𑀢𑀺𑀆𑀤𑀺. 𑀧𑀭𑀺𑀬𑀸𑀤𑀺𑀬𑀫𑀸𑀦𑀫𑁂𑀯𑀸𑀢𑀺 𑀔𑁂𑀧𑁂𑀦𑁆𑀢𑀫𑁂𑀯, 𑀯𑀺𑀦𑀸𑀲𑁂𑀦𑁆𑀢𑀫𑁂𑀯𑀸𑀢𑀺 𑀅𑀢𑁆𑀣𑁄. 𑀬𑀣𑀸𑀧𑀭𑀺𑀘𑁆𑀙𑁂𑀤𑁂𑀦𑀸𑀢𑀺 𑀅𑀢𑁆𑀢𑀦𑁄 𑀯𑀺𑀲𑀧𑀭𑀺𑀘𑁆𑀙𑁂𑀤𑀸𑀦𑀼𑀭𑀽𑀧𑀁. 𑀅𑀜𑁆𑀜𑀣𑀸𑀪𑀸𑀯𑀦𑁆𑀢𑀺 𑀯𑀟𑁆𑀠𑀪𑀸𑀯𑀸𑀤𑀺𑀧𑀓𑀢𑀺𑀚𑀳𑀦𑀁. 𑀲𑀪𑀸𑀯𑀯𑀺𑀕𑀫𑁄𑀢𑀺 𑀯𑀺𑀦𑀸𑀲𑁄.

𑀉𑀧𑀲𑁂𑀦𑀆𑀲𑀻𑀯𑀺𑀲𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.