𑁮. 𑀉𑀧𑀯𑀸𑀡𑀲𑀦𑁆𑀤𑀺𑀝𑁆𑀞𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁦. 𑀭𑀽𑀧𑀁 𑀧𑀝𑀺𑀲𑀁𑀯𑀺𑀤𑀺𑀢𑀁 𑀓𑀭𑁄𑀢𑀺 𑀜𑀸𑀢𑀧𑀭𑀺𑀜𑁆𑀜𑀸𑀯𑀲𑁂𑀦. 𑀭𑀽𑀧𑀭𑀸𑀕𑀦𑁆𑀢𑀺 𑀦𑀻𑀮𑀸𑀤𑀺𑀪𑁂𑀤𑁂 𑀭𑀽𑀧𑀥𑀫𑁆𑀫𑁂 𑀭𑀸𑀕𑀁. 𑀧𑀝𑀺𑀲𑀁𑀯𑀺𑀤𑀺𑀢𑀁 𑀓𑀭𑁄𑀢𑀺 ‘‘𑀅𑀬𑀁 𑀫𑁂 𑀭𑀸𑀕𑁄 𑀅𑀧𑁆𑀧𑀳𑀻𑀦𑁄’’𑀢𑀺. 𑀏𑀢𑁂𑀦 𑀲𑁂𑀓𑁆𑀔𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀡𑀸 𑀓𑀣𑀺𑀢𑀸. 𑀢𑁂𑀦 𑀯𑀼𑀢𑁆𑀢𑀁 ‘‘𑀏𑀯𑀫𑁆𑀧𑀺 𑀔𑁄, 𑀉𑀧𑀯𑀸𑀡, 𑀲𑀦𑁆𑀤𑀺𑀝𑁆𑀞𑀺𑀓𑁄 𑀥𑀫𑁆𑀫𑁄 𑀳𑁄𑀢𑀻’’𑀢𑀺𑀆𑀤𑀺. 𑀭𑀽𑀧𑀭𑀸𑀕𑀁 𑀧𑀝𑀺𑀲𑀁𑀯𑀺𑀤𑀺𑀢𑀁 𑀓𑀭𑁄𑀢𑀺 ‘‘𑀦𑀢𑁆𑀣𑀺 𑀫𑁂 𑀅𑀚𑁆𑀛𑀢𑁆𑀢𑀁 𑀭𑀽𑀧𑁂𑀲𑀼 𑀭𑀸𑀕𑁄’’𑀢𑀺 𑀧𑀚𑀸𑀦𑀸𑀢𑀺. 𑀅𑀲𑁂𑀓𑁆𑀔𑀸𑀦𑀁 𑀳𑀸𑀬𑀁 𑀧𑀘𑁆𑀘𑀯𑁂𑀓𑁆𑀔𑀡𑀸.

𑀉𑀧𑀯𑀸𑀡𑀲𑀦𑁆𑀤𑀺𑀝𑁆𑀞𑀺𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.