𑁨-𑁩. 𑀤𑀼𑀢𑀺𑀬𑀲𑀫𑀼𑀤𑁆𑀤𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁨𑁯-𑁨𑁩𑁦. 𑀓𑀺𑀮𑁂𑀲𑀸𑀦𑀁 𑀅𑀮𑁆𑀮𑀪𑀸𑀯𑀽𑀧𑀦𑀬𑀦𑀦𑁆𑀢𑀺 𑀆𑀳 ‘‘𑀢𑁂𑀫𑀦𑀝𑁆𑀞𑁂𑀦𑀸’’𑀢𑀺. 𑀅𑀭𑀺𑀬𑀲𑀸𑀯𑀓𑁂𑀢𑀺 𑀅𑀦𑀸𑀕𑀸𑀫𑀺𑀦𑁄. 𑀢𑁂 𑀳𑀺 𑀓𑀸𑀫𑀪𑀯𑀯𑀲𑁂𑀦 𑀅𑀢𑀺𑀦𑁆𑀢𑀢𑀸𑀬 𑀦 𑀲𑀫𑀼𑀦𑁆𑀦𑀸. 𑀢𑀬𑁄 𑀫𑀘𑁆𑀘𑀽𑀢𑀺 𑀓𑀺𑀮𑁂𑀲𑀸𑀪𑀺𑀲𑀗𑁆𑀔𑀸𑀭𑀤𑁂𑀯𑀧𑀼𑀢𑁆𑀢𑀫𑀸𑀭𑁂. 𑀢𑀻𑀳𑀺 𑀉𑀧𑀥𑀻𑀳𑀻𑀢𑀺 𑀓𑀺𑀮𑁂𑀲𑀸𑀪𑀺𑀲𑀗𑁆𑀔𑀸𑀭𑀓𑀸𑀫𑀕𑀼𑀡𑀸𑀦𑀁 𑀯𑀲𑁂𑀦 𑀢𑀻𑀳𑀺 𑀉𑀧𑀥𑀻𑀳𑀺. 𑀔𑀦𑁆𑀥𑀼𑀧𑀥𑀺𑀦𑀸 𑀧𑀦 𑀲𑁄 𑀦 𑀦𑀺𑀭𑀽𑀧𑀥𑀺 𑀲𑀉𑀧𑀸𑀤𑀺𑀲𑁂𑀲𑀲𑁆𑀲𑁂𑀯 𑀦𑀺𑀩𑁆𑀩𑀸𑀦𑀲𑁆𑀲 𑀅𑀥𑀺𑀕𑀢𑀢𑁆𑀢𑀸. 𑀕𑀢𑁄𑀢𑀺 𑀧𑀝𑀺𑀧𑀢𑁆𑀢𑀺𑀕𑀫𑀦𑁂𑀦 𑀕𑀢𑁄.

𑀤𑀼𑀢𑀺𑀬𑀲𑀫𑀼𑀤𑁆𑀤𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.