𑁪-𑁬. 𑀔𑀻𑀭𑀭𑀼𑀓𑁆𑀔𑁄𑀧𑀫𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁩𑁧-𑁨𑁩𑁩. 𑀅𑀧𑁆𑀧𑀳𑀻𑀦𑀝𑁆𑀞𑁂𑀦𑀸𑀢𑀺 𑀫𑀕𑁆𑀕𑁂𑀦 𑀅𑀲𑀫𑀼𑀕𑁆𑀖𑀸𑀝𑀺𑀢𑀪𑀸𑀯𑁂𑀦. 𑀅𑀢𑁆𑀣𑀻𑀢𑀺 𑀯𑀺𑀚𑁆𑀚𑀢𑀺. 𑀲𑀢𑀺 𑀧𑀘𑁆𑀘𑀬𑁂 𑀯𑀺𑀚𑁆𑀚𑀫𑀸𑀦𑀓𑀺𑀘𑁆𑀘𑀓𑀭𑀡𑀢𑁄 𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀧𑁆𑀧𑀓𑀁 𑀫𑀽𑀲𑀺𑀓𑀸𑀯𑀺𑀲𑀁 𑀯𑀺𑀬 𑀧𑀭𑀺𑀢𑁆𑀢𑀁 𑀦𑀸𑀫 𑀳𑁄𑀢𑀺 𑀅𑀧𑁆𑀧𑀸𑀦𑀼𑀪𑀸𑀯𑀢𑁆𑀢𑀸. 𑀏𑀯𑀭𑀽𑀧𑀸𑀧𑀻𑀢𑀺 𑀅𑀧𑁆𑀧𑀓𑀸𑀧𑀺. 𑀅𑀲𑁆𑀲𑀸𑀢𑀺 𑀅𑀧𑁆𑀧𑀳𑀻𑀦𑀓𑀺𑀮𑁂𑀲𑀲𑁆𑀲. 𑀅𑀥𑀺𑀫𑀢𑁆𑀢𑀸𑀦𑀦𑁆𑀢𑀺 𑀇𑀝𑁆𑀞𑀸𑀦𑀁 𑀭𑀚𑀦𑀻𑀬𑀸𑀦𑀁, 𑀯𑀢𑁆𑀣𑀼𑀯𑀲𑁂𑀦 𑀧𑀭𑀺𑀢𑁆𑀢𑀓𑀫𑁆𑀧𑀺 𑀇𑀝𑁆𑀞𑀸𑀭𑀫𑁆𑀫𑀡𑀁 𑀅𑀥𑀺𑀫𑀢𑁆𑀢𑀫𑁂𑀯. 𑀢𑁂𑀦𑀸𑀳 ‘‘𑀦𑀔𑀧𑀺𑀝𑁆𑀞𑀺𑀧𑁆𑀧𑀫𑀸𑀡𑀫𑁆𑀧𑀻’’𑀢𑀺𑀆𑀤𑀺. 𑀤𑀳𑀭𑁄𑀢𑀺𑀆𑀤𑀻𑀦𑀺 𑀢𑀻𑀡𑀺𑀧𑀺 𑀧𑀤𑀸𑀦𑀺. 𑀆𑀪𑀺𑀦𑁆𑀤𑁂𑀬𑁆𑀬𑀸𑀢𑀺 𑀪𑀺𑀦𑁆𑀤𑁂𑀬𑁆𑀬. 𑀢𑀁 𑀉𑀪𑀬𑀦𑁆𑀢𑀺 𑀢𑀁 𑀘𑀓𑁆𑀔𑀼𑀭𑀽𑀧𑀦𑁆𑀢𑀺 𑀉𑀪𑀬𑀫𑁆𑀧𑀺 𑀆𑀬𑀢𑀦𑀁.

𑀔𑀻𑀭𑀭𑀼𑀓𑁆𑀔𑁄𑀧𑀫𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.