𑁫-𑁯. 𑀩𑀦𑁆𑀥𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁧𑁧𑁭-𑁧𑁨𑁧. 𑀢𑀻𑀭𑀁 𑀯𑀼𑀘𑁆𑀘𑀢𑀺 𑀯𑀝𑁆𑀝𑀁 𑀑𑀭𑀺𑀫𑀢𑀻𑀭𑀦𑁆𑀢𑀺 𑀓𑀢𑁆𑀯𑀸. 𑀢𑁂𑀦𑀸𑀳 ‘‘𑀅𑀣𑀸𑀬𑀁 𑀇𑀢𑀭𑀸 𑀧𑀚𑀸, 𑀢𑀻𑀭𑀫𑁂𑀯𑀸𑀦𑀼𑀥𑀸𑀯𑀢𑀻’’𑀢𑀺 (𑀥. 𑀧. 𑁮𑁫). 𑀧𑀸𑀭𑀁 𑀯𑀼𑀘𑁆𑀘𑀢𑀺 𑀦𑀺𑀩𑁆𑀩𑀸𑀦𑀁 𑀲𑀁𑀲𑀸𑀭𑀲𑁆𑀲 𑀧𑀸𑀭𑀺𑀫𑀦𑁆𑀢𑀺 𑀓𑀢𑁆𑀯𑀸. 𑀩𑀤𑁆𑀥𑁄𑀢𑀺 𑀅𑀦𑀼𑀲𑀬𑀧𑁆𑀧𑀳𑀸𑀦𑀲𑁆𑀲 𑀅𑀓𑀢𑀢𑁆𑀢𑀸 𑀓𑀺𑀮𑁂𑀲𑀩𑀦𑁆𑀥𑀦𑁂𑀦 𑀩𑀤𑁆𑀥𑁄, 𑀲𑀼𑀓𑁆𑀓𑀧𑀓𑁆𑀔𑁂𑀧𑀺 𑀤𑀺𑀝𑁆𑀞𑀺𑀲𑀫𑀦𑀼𑀧𑀲𑁆𑀲𑀦𑀸𑀬 𑀭𑀽𑀧𑀸𑀤𑀺𑀩𑀦𑁆𑀥𑀦𑀲𑁆𑀲 𑀧𑀝𑀺𑀓𑁆𑀔𑁂𑀧𑀫𑀢𑁆𑀢𑀫𑁂𑀯 𑀯𑀼𑀢𑁆𑀢𑀁, 𑀦 𑀯𑀺𑀫𑁄𑀓𑁆𑀔𑀦𑁆𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀯𑀝𑁆𑀝𑀤𑀼𑀓𑁆𑀔𑀁 𑀓𑀣𑀺𑀢𑀦𑁆𑀢𑀺 ‘‘𑀢𑀻𑀭𑀤𑀲𑁆𑀲𑀻 𑀧𑀸𑀭𑀤𑀲𑁆𑀲𑀻, 𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀻’’𑀢𑀺 𑀆𑀕𑀢𑀢𑁆𑀢𑀸 𑀯𑀝𑁆𑀝𑀯𑀺𑀯𑀝𑁆𑀝𑀁 𑀓𑀣𑀺𑀓𑀦𑁆𑀢𑀺 𑀯𑀢𑁆𑀢𑀼𑀁 𑀲𑀓𑁆𑀓𑀸.

𑀙𑀝𑁆𑀞𑀸𑀤𑀻𑀦𑀺 𑀉𑀢𑁆𑀢𑀸𑀦𑀢𑁆𑀣𑀸𑀦𑁂𑀯 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑀢𑁆𑀢𑀸.

𑀩𑀦𑁆𑀥𑀦𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.