𑁧. 𑀲𑀢𑁆𑀣𑀼𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁭𑁩. 𑀅𑀬𑀁 𑀲𑀢𑁆𑀣𑀸 𑀦𑀸𑀫𑀸𑀢𑀺 𑀅𑀬𑀁 𑀅𑀭𑀺𑀬𑀫𑀕𑁆𑀕𑀲𑁆𑀲 𑀅𑀢𑁆𑀣𑀸𑀬 𑀲𑀸𑀲𑀢𑀺 𑀯𑀺𑀫𑀼𑀢𑁆𑀢𑀺𑀥𑀫𑁆𑀫𑀁 𑀅𑀦𑀼𑀲𑀸𑀲𑀢𑀻𑀢𑀺 𑀲𑀢𑁆𑀣𑀸 𑀦𑀸𑀫. 𑀅𑀥𑀺𑀲𑀻𑀮𑀸𑀤𑀺𑀯𑀲𑁂𑀦 𑀢𑀺𑀯𑀺𑀥𑀸𑀧𑀺 𑀲𑀺𑀓𑁆𑀔𑀸. 𑀬𑁄𑀕𑁄𑀢𑀺 𑀪𑀸𑀯𑀦𑀸𑀦𑀼𑀬𑁄𑀕𑁄. 𑀙𑀦𑁆𑀤𑁄𑀢𑀺 𑀦𑀺𑀬𑁆𑀬𑀸𑀦𑁂𑀢𑀸 𑀓𑀢𑁆𑀢𑀼𑀓𑀫𑁆𑀬𑀢𑀸𑀓𑀼𑀲𑀮𑀘𑁆𑀙𑀦𑁆𑀤𑁄. 𑀲𑀩𑁆𑀩𑀁 𑀪𑀸𑀯𑀦𑀸𑀬 𑀧𑀭𑀺𑀲𑁆𑀲𑀬𑀁 𑀲𑀳𑀢𑀺, 𑀲𑀩𑁆𑀩𑀁 𑀯𑀸𑀲𑁆𑀲 𑀉𑀧𑀓𑀸𑀭𑀸𑀯𑀳𑀁 𑀲𑀳𑀢𑀺 𑀯𑀸𑀳𑁂𑀢𑀻𑀢𑀺 𑀲𑀩𑁆𑀩𑀲𑀳𑀁. 𑀅𑀧𑁆𑀧𑀝𑀺𑀯𑀸𑀦𑀻𑀢𑀺 𑀦 𑀧𑀝𑀺𑀦𑀺𑀯𑀢𑁆𑀢𑀢𑀻𑀢𑀺 𑀅𑀧𑁆𑀧𑀝𑀺𑀯𑀸𑀦𑀻. 𑀅𑀦𑁆𑀢𑀭𑀸𑀬 𑀲𑀳𑀦𑀁 𑀫𑁄𑀳𑀦𑀸𑀲𑀦𑀯𑀻𑀭𑀺𑀬𑀁 𑀆𑀢𑀧𑁆𑀧𑀢𑀺 𑀓𑀺𑀮𑁂𑀲𑁂𑀢𑀺 𑀆𑀢𑀧𑁆𑀧𑀁. 𑀯𑀺𑀥𑀺𑀦𑀸 𑀈𑀭𑁂𑀢𑀩𑁆𑀩𑀢𑁆𑀢𑀸 𑀧𑀯𑀢𑁆𑀢𑁂𑀢𑀩𑁆𑀩𑀢𑁆𑀢𑀸 𑀯𑀻𑀭𑀺𑀬𑀁. 𑀲𑀢𑀢𑀁 𑀧𑀯𑀢𑁆𑀢𑀺𑀬𑀫𑀸𑀦𑀪𑀸𑀯𑀦𑀸𑀦𑀼𑀬𑁄𑀕𑀓𑀫𑁆𑀫𑀁 𑀲𑀸𑀢𑀘𑁆𑀘𑀦𑁆𑀢𑀺 𑀆𑀳 ‘‘𑀲𑀢𑀢𑀓𑀺𑀭𑀺𑀬’’𑀦𑁆𑀢𑀺. 𑀢𑀸𑀤𑀺𑀲𑀫𑁂𑀯𑀸𑀢𑀺 𑀬𑀸𑀤𑀺𑀲𑀻 𑀲𑀢𑀺 𑀯𑀼𑀢𑁆𑀢𑀸, 𑀢𑀸𑀤𑀺𑀲𑀫𑁂𑀯 𑀜𑀸𑀡𑀁, 𑀚𑀭𑀸𑀫𑀭𑀡𑀸𑀤𑀺𑀯𑀲𑁂𑀦 𑀘𑀢𑀼𑀲𑀘𑁆𑀘𑀧𑀭𑀺𑀕𑁆𑀕𑀸𑀳𑀓𑀁 𑀜𑀸𑀡𑀦𑁆𑀢𑀺 𑀅𑀢𑁆𑀣𑁄.

𑀅𑀦𑁆𑀢𑀭𑀧𑁂𑀬𑁆𑀬𑀸𑀮𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀸𑀭𑀢𑁆𑀣𑀧𑁆𑀧𑀓𑀸𑀲𑀺𑀦𑀺𑀬𑀸 𑀲𑀁𑀬𑀼𑀢𑁆𑀢𑀦𑀺𑀓𑀸𑀬-𑀅𑀝𑁆𑀞𑀓𑀣𑀸𑀬

𑀦𑀺𑀤𑀸𑀦𑀲𑀁𑀬𑀼𑀢𑁆𑀢𑀯𑀡𑁆𑀡𑀦𑀸𑀬 𑀮𑀻𑀦𑀢𑁆𑀣𑀧𑁆𑀧𑀓𑀸𑀲𑀦𑀸 𑀲𑀫𑀢𑁆𑀢𑀸.