𑁭. 𑀦𑀸𑀕𑀤𑀢𑁆𑀢𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁨𑁭. 𑀅𑀢𑀺𑀓𑀸𑀮𑁂𑀦𑀸𑀢𑀺 𑀅𑀢𑀺𑀯𑀺𑀬 𑀧𑀼𑀩𑁆𑀩𑀡𑁆𑀳𑀓𑀸𑀮𑁂𑀦, 𑀓𑀸𑀮𑀲𑁆𑀲𑁂𑀯𑀸𑀢𑀺 𑀅𑀢𑁆𑀣𑁄. 𑀓𑁄𑀝𑀺𑀲𑀫𑁆𑀫𑀼𑀜𑁆𑀚𑀦𑀺𑀬𑀸𑀢𑀺 𑀲𑀫𑁆𑀫𑀼𑀜𑁆𑀚𑀦𑀺𑀓𑁄𑀝𑀺𑀬𑀸, 𑀲𑀫𑁆𑀫𑀼𑀜𑁆𑀚𑀦𑀺𑀬𑀸 𑀏𑀓𑀤𑁂𑀲𑁂𑀦𑁂𑀯𑀸𑀢𑀺 𑀅𑀢𑁆𑀣𑁄. 𑀇𑀫𑀺𑀦𑀸 𑀲𑀫𑁆𑀫𑀚𑁆𑀚𑀦𑁂 𑀅𑀫𑀦𑀸𑀧𑀓𑀸𑀭𑀺𑀢𑀁 𑀤𑀲𑁆𑀲𑁂𑀢𑀺. 𑀫𑀚𑁆𑀛𑀦𑁆𑀳𑀺𑀓𑁂 𑀯𑀻𑀢𑀺𑀯𑀢𑁆𑀢𑁂𑀢𑀺 𑀕𑀺𑀳𑀺𑀲𑀁𑀲𑀕𑁆𑀕𑀯𑀲𑁂𑀦 𑀓𑀸𑀮𑀁 𑀯𑀻𑀢𑀺𑀦𑀸𑀫𑁂𑀦𑁆𑀢𑁄 𑀫𑀚𑁆𑀛𑀦𑁆𑀳𑁂 𑀩𑀳𑀼𑀯𑀻𑀢𑀺𑀯𑀢𑁆𑀢𑁂. 𑀅𑀜𑁆𑀜𑁂𑀳𑀺 𑀪𑀺𑀓𑁆𑀔𑀽𑀳𑀻𑀢𑀺 𑀦𑀸𑀢𑀺𑀓𑀸𑀮𑀁 𑀧𑀯𑀺𑀝𑁆𑀞𑁂𑀳𑀺. 𑀦𑀺𑀲𑁆𑀲𑀓𑁆𑀓𑀯𑀘𑀦𑀜𑁆𑀘𑁂𑀢𑀁. 𑀪𑀸𑀬𑀸𑀫𑀺 𑀦𑀸𑀕𑀤𑀢𑁆𑀢𑀦𑁆𑀢𑀺 𑀢𑀲𑁆𑀲 𑀧𑀝𑀺𑀧𑀢𑁆𑀢𑀺𑀁 𑀪𑀸𑀬𑀺𑀢𑀩𑁆𑀩𑀁 𑀓𑀢𑁆𑀯𑀸 𑀤𑁂𑀯𑀢𑀸 𑀯𑀤𑀦𑁆𑀢𑀻 𑀧𑀝𑀺𑀧𑀢𑁆𑀢𑀺𑀬𑀁 𑀦𑀺𑀬𑁄𑀚𑁂𑀢𑀺. 𑀲𑀼𑀧𑁆𑀧𑀕𑀩𑁆𑀪𑀦𑁆𑀢𑀺 𑀓𑀸𑀬𑀧𑀸𑀕𑀩𑁆𑀩𑀺𑀬𑀸𑀤𑀻𑀳𑀺 𑀅𑀢𑀺𑀯𑀺𑀬 𑀲𑀫𑀦𑁆𑀦𑀸𑀕𑀢𑀁.

𑀦𑀸𑀕𑀤𑀢𑁆𑀢𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.