𑁭. 𑀦𑀤𑀼𑀩𑁆𑀪𑀺𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁫𑁩. 𑀲𑀼𑀧𑀘𑁆𑀘𑀢𑁆𑀣𑀺𑀓𑁄𑀢𑀺 𑀲𑀼𑀝𑁆𑀞𑀼 𑀅𑀢𑀺𑀯𑀺𑀬 𑀧𑀘𑁆𑀘𑀢𑁆𑀣𑀺𑀓𑁄 𑀧𑀝𑀺𑀲𑀢𑁆𑀢𑀼. 𑀕𑀳𑀺𑀢𑁄𑀲𑀻𑀢𑀺 𑀤𑁂𑀯𑀧𑀸𑀲𑁂𑀦 𑀩𑀦𑁆𑀥𑀺𑀢𑁆𑀯𑀸 𑀕𑀳𑀺𑀢𑁄 𑀅𑀲𑀺. 𑀩𑀤𑁆𑀥𑁄𑀯 𑀅𑀳𑁄𑀲𑀺 𑀲𑀓𑁆𑀓𑀲𑁆𑀲 𑀧𑀼𑀜𑁆𑀜𑀸𑀦𑀼𑀪𑀸𑀯𑁂𑀦. 𑀘𑁂𑀢𑀺𑀬𑀭𑀸𑀚𑀸 𑀓𑀺𑀭 𑀇𑀫𑀲𑁆𑀫𑀺𑀁 𑀓𑀧𑁆𑀧𑁂 𑀢𑀢𑁄 𑀧𑀼𑀩𑁆𑀩𑁂 𑀓𑁂𑀦𑀘𑀺 𑀅𑀯𑀼𑀢𑁆𑀢𑀧𑀼𑀩𑁆𑀩𑀁 𑀔𑀭𑀫𑀼𑀲𑀸𑀯𑀸𑀤𑀁 𑀅𑀪𑀸𑀲𑀺, 𑀢𑀸𑀯𑀤𑁂𑀯 𑀯𑀺𑀭𑀚𑁆𑀛𑀺𑀢𑁆𑀯𑀸 𑀫𑀳𑀸𑀧𑀣𑀯𑀺𑀬𑀸 𑀯𑀺𑀯𑀭𑁂 𑀤𑀺𑀦𑁂 𑀦𑀺𑀧𑀢𑀺𑀢𑁆𑀯𑀸 𑀅𑀯𑀻𑀘𑀺𑀅𑀕𑁆𑀕𑀺𑀚𑀸𑀮𑀸𑀦𑀫𑀺𑀦𑁆𑀤𑀦𑀫𑀳𑁄𑀲𑀺. 𑀢𑀁 𑀲𑀦𑁆𑀥𑀸𑀬 𑀯𑀼𑀢𑁆𑀢𑀁 ‘‘𑀘𑁂𑀢𑀺𑀬𑀭𑀜𑁆𑀜𑁄 𑀧𑀸𑀧𑀁 𑀲𑀦𑁆𑀥𑀸𑀬𑀸’’𑀢𑀺. 𑀫𑀳𑀸𑀧𑀸𑀧𑀸𑀦𑀻𑀢𑀺 𑀫𑀳𑀦𑁆𑀢𑀸𑀦𑀺 𑀕𑀭𑀼𑀢𑀭𑀸𑀦𑀺 𑀧𑀸𑀧𑀸𑀦𑀺. 𑀢𑀣𑀸 𑀳𑀺 𑀯𑁂𑀧𑀘𑀺𑀢𑁆𑀢𑀺𑀦𑁄 𑀲𑀧𑀣𑀓𑀭𑀡𑁂 𑀦𑀺𑀤𑀲𑁆𑀲𑀦𑀪𑀸𑀯𑁂𑀦 𑀏𑀢𑀸𑀦𑀺 𑀅𑀝𑁆𑀞𑀓𑀣𑀸𑀬𑀁 𑀆𑀕𑀢𑀸𑀦𑀻𑀢𑀺.

𑀦𑀤𑀼𑀩𑁆𑀪𑀺𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.