𑁮. 𑀓𑀸𑀫𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁮. ‘‘𑀅𑀢𑁆𑀢𑀓𑀸𑀫𑁄’’𑀢𑀺 𑀧𑀸𑀴𑀺𑀬𑀁 𑀯𑀼𑀢𑁆𑀢𑀢𑁆𑀢𑀸 𑀆𑀳 ‘‘𑀞𑀧𑁂𑀢𑁆𑀯𑀸 𑀲𑀩𑁆𑀩𑀩𑁄𑀥𑀺𑀲𑀢𑁆𑀢𑁂’’𑀢𑀺. 𑀢𑁂 𑀳𑀺 𑀲𑀩𑁆𑀩𑀲𑁄 𑀧𑀭𑀢𑁆𑀣𑀸𑀬 𑀏𑀯 𑀧𑀝𑀺𑀧𑀚𑁆𑀚𑀫𑀸𑀦𑀸 𑀫𑀳𑀸𑀓𑀸𑀭𑀼𑀡𑀺𑀓𑀸 𑀧𑀭𑀢𑁆𑀣𑀓𑀸𑀫𑀸, 𑀅𑀢𑁆𑀣𑀓𑀸𑀫𑀸 𑀦𑀸𑀫 𑀦 𑀳𑁄𑀦𑁆𑀢𑀺, 𑀬𑀸 𑀘 𑀢𑁂𑀲𑀁 𑀅𑀢𑁆𑀢𑀢𑁆𑀣𑀸𑀯𑀳𑀸 𑀧𑀝𑀺𑀧𑀢𑁆𑀢𑀺, 𑀲𑀸𑀧𑀺 𑀬𑀸𑀯𑀤𑁂𑀯 𑀧𑀭𑀢𑁆𑀣𑀸 𑀏𑀯𑀸𑀢𑀺. 𑀯𑀼𑀢𑁆𑀢𑀁 𑀧𑁄𑀭𑀸𑀡𑀝𑁆𑀞𑀓𑀣𑀸𑀬𑀁. 𑀬𑀲𑁆𑀫𑀸 𑀩𑁄𑀥𑀺𑀲𑀢𑁆𑀢𑀸 𑀧𑀭𑀳𑀺𑀢𑀧𑀝𑀺𑀧𑀢𑁆𑀢𑀺𑀬𑀸 𑀧𑀸𑀭𑀫𑀺𑀬𑁄 𑀧𑀽𑀭𑁂𑀦𑁆𑀢𑀸 𑀢𑀣𑀸𑀭𑀽𑀧𑀁 𑀓𑀸𑀭𑀡𑀁 𑀧𑀢𑁆𑀯𑀸 𑀅𑀢𑁆𑀢𑀸𑀦𑀁 𑀧𑀭𑁂𑀲𑀁 𑀧𑀭𑀺𑀘𑁆𑀘𑀚𑀦𑁆𑀢𑀺 𑀧𑀜𑁆𑀜𑀸𑀧𑀸𑀭𑀫𑀺𑀬𑀸 𑀧𑀭𑀺𑀧𑀽𑀭𑀡𑀢𑁄, 𑀢𑀲𑁆𑀫𑀸 𑀇𑀥𑀸𑀧𑀺 ‘‘𑀲𑀩𑁆𑀩𑀩𑁄𑀥𑀺𑀲𑀢𑁆𑀢𑁂 𑀞𑀧𑁂𑀢𑁆𑀯𑀸𑀬𑁂𑀯𑀸𑀢𑀺 𑀯𑀼𑀢𑁆𑀢’’𑀦𑁆𑀢𑀺 𑀆𑀳. 𑀓𑀮𑁆𑀬𑀸𑀡𑀦𑁆𑀢𑀺 𑀪𑀤𑁆𑀤𑀓𑀁. 𑀯𑀸𑀘𑀸𑀬 𑀅𑀥𑀺𑀧𑁆𑀧𑁂𑀢𑀢𑁆𑀢𑀸 𑀆𑀳 ‘‘𑀲𑀡𑁆𑀳𑀁 𑀫𑀼𑀤𑀼𑀓’’𑀦𑁆𑀢𑀺. 𑀧𑀸𑀧𑀺𑀓𑀦𑁆𑀢𑀺 𑀮𑀸𑀫𑀓𑀁 𑀦𑀺𑀳𑀻𑀦𑀁. 𑀢𑀁 𑀧𑀦 𑀨𑀭𑀼𑀲𑀁 𑀯𑀸𑀘𑀦𑁆𑀢𑀺 𑀲𑀭𑀽𑀧𑀢𑁄 𑀤𑀲𑁆𑀲𑁂𑀢𑀺.

𑀓𑀸𑀫𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.