𑁯. 𑀧𑀸𑀣𑁂𑀬𑁆𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁭𑁯. 𑀲𑀤𑁆𑀥𑀸 𑀩𑀦𑁆𑀥𑀢𑀺 𑀧𑀸𑀣𑁂𑀬𑁆𑀬𑀦𑁆𑀢𑀺 𑀲𑀤𑁆𑀥𑀸 𑀦𑀸𑀫 𑀲𑀢𑁆𑀢𑀲𑁆𑀲 𑀫𑀭𑀡𑀯𑀲𑁂𑀦 𑀫𑀳𑀸𑀧𑀣𑀁 𑀲𑀁𑀯𑀚𑀢𑁄 𑀫𑀳𑀸𑀓𑀦𑁆𑀢𑀸𑀭𑀁 𑀧𑀝𑀺𑀧𑀚𑁆𑀚𑀢𑁄 𑀫𑀳𑀸𑀯𑀺𑀤𑀼𑀕𑁆𑀕𑀁 𑀧𑀓𑁆𑀔𑀦𑁆𑀤𑀢𑁄 𑀧𑀸𑀣𑁂𑀬𑁆𑀬𑀧𑀼𑀝𑀁 𑀩𑀦𑁆𑀥𑀢𑀺 𑀲𑀫𑁆𑀩𑀮𑀁 𑀲𑀚𑁆𑀚𑁂𑀢𑀺. 𑀓𑀣𑀦𑁆𑀢𑀺 𑀆𑀳 ‘‘𑀲𑀤𑁆𑀥𑀁 𑀉𑀧𑁆𑀧𑀸𑀤𑁂𑀢𑁆𑀯𑀸’’𑀢𑀺𑀆𑀤𑀺. 𑀏𑀢𑀁 𑀯𑀼𑀢𑁆𑀢𑀦𑁆𑀢𑀺 ‘‘𑀲𑀤𑁆𑀥𑀸 𑀩𑀦𑁆𑀥𑀢𑀺 𑀧𑀸𑀣𑁂𑀬𑁆𑀬’’𑀦𑁆𑀢𑀺 𑀏𑀢𑀁 𑀕𑀸𑀣𑀸𑀧𑀤𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸. 𑀲𑀺𑀭𑀻𑀢𑀺 𑀓𑀢𑀧𑀼𑀜𑁆𑀜𑁂𑀳𑀺 𑀲𑁂𑀯𑀻𑀬𑀢𑀺 𑀢𑁂𑀳𑀺 𑀧𑀝𑀺𑀮𑀪𑀻𑀬𑀢𑀻𑀢𑀺 𑀲𑀺𑀭𑀻. 𑀇𑀲𑁆𑀲𑀭𑀺𑀬𑀁 𑀯𑀺𑀪𑀯𑁄. 𑀆𑀲𑀬𑀺𑀢𑀩𑁆𑀩𑀢𑁄 𑀆𑀲𑀬𑁄, 𑀯𑀲𑀦𑀝𑁆𑀞𑀸𑀦𑀁 𑀦𑀺𑀓𑁂𑀢𑀦𑁆𑀢𑀺 𑀅𑀢𑁆𑀣𑁄. 𑀧𑀭𑀺𑀓𑀟𑁆𑀠𑀢𑀻𑀢𑀺 𑀇𑀘𑁆𑀙𑀸𑀯𑀲𑀺𑀓𑀁 𑀧𑀼𑀕𑁆𑀕𑀮𑀁 𑀢𑀢𑁆𑀣 𑀢𑀢𑁆𑀣 𑀉𑀧𑀓𑀟𑁆𑀠𑀢𑀺.

𑀧𑀸𑀣𑁂𑀬𑁆𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.