𑁮. 𑀳𑀺𑀭𑀻𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁮. 𑀦𑀺𑀲𑁂𑀥𑁂𑀢𑀻𑀢𑀺 𑀦𑀺𑀯𑀸𑀭𑁂𑀢𑀺 𑀧𑀯𑀢𑁆𑀢𑀺𑀢𑀼𑀁 𑀦 𑀤𑁂𑀢𑀺. 𑀧𑀼𑀘𑁆𑀙𑀢𑀺 𑀤𑁂𑀯𑀢𑀸. 𑀅𑀧𑀳𑀭𑀦𑁆𑀢𑁄𑀢𑀺 𑀅𑀧𑀦𑁂𑀦𑁆𑀢𑁄, 𑀬𑀣𑀸 𑀲𑀩𑁆𑀩𑁂𑀦 𑀲𑀩𑁆𑀩𑀁 𑀅𑀓𑁆𑀓𑁄𑀲𑀯𑀢𑁆𑀣𑀼 𑀦 𑀳𑁄𑀢𑀺, 𑀏𑀯𑀁 𑀧𑀭𑀺𑀳𑀭𑀦𑁆𑀢𑁄𑀢𑀺 𑀅𑀢𑁆𑀣𑁄. 𑀩𑀼𑀚𑁆𑀛𑀢𑀺 𑀲𑀸𑀭𑀣𑀺𑀯𑀺𑀥𑀁. 𑀅𑀢𑁆𑀢𑀦𑀺 𑀦𑀺𑀧𑀸𑀢𑀁 𑀦 𑀤𑁂𑀢𑀺, 𑀆𑀚𑀸𑀦𑀻𑀬𑁄 𑀳𑀺 𑀬𑀼𑀢𑁆𑀢𑀁 𑀧𑀚𑀸𑀦𑀸𑀢𑀺. 𑀅𑀪𑀽𑀢𑁂𑀦 𑀅𑀪𑀽𑀢𑀓𑁆𑀓𑁄𑀲𑁂𑀦 𑀧𑀭𑀺𑀫𑀼𑀢𑁆𑀢𑁄 𑀦𑀸𑀫 𑀦𑀢𑁆𑀣𑀺 𑀩𑀸𑀮𑀸𑀦𑀜𑁆𑀘 𑀚𑀦𑀸𑀦𑀁 𑀧𑀭𑀸𑀧𑀯𑀸𑀤𑁂 𑀬𑀼𑀢𑁆𑀢𑀧𑀬𑀼𑀢𑁆𑀢𑀪𑀸𑀯𑀢𑁄. 𑀢𑁂𑀦𑀸𑀳 𑀪𑀕𑀯𑀸 𑁋

‘‘𑀦𑀺𑀦𑁆𑀤𑀦𑁆𑀢𑀺 𑀢𑀼𑀡𑁆𑀳𑀺𑀫𑀸𑀲𑀻𑀦𑀁, 𑀦𑀺𑀦𑁆𑀤𑀦𑁆𑀢𑀺 𑀩𑀳𑀼𑀪𑀸𑀡𑀺𑀦𑀁;

𑀫𑀺𑀢𑀪𑀸𑀡𑀺𑀫𑁆𑀧𑀺 𑀦𑀺𑀦𑁆𑀤𑀦𑁆𑀢𑀺, 𑀦𑀢𑁆𑀣𑀺 𑀮𑁄𑀓𑁂 𑀅𑀦𑀺𑀦𑁆𑀤𑀺𑀢𑁄’’𑀢𑀺. (𑀥. 𑀧. 𑁨𑁨𑁭);

𑀢𑀦𑀼𑀬𑀸𑀢𑀺 𑀯𑀸 𑀓𑀢𑀺𑀧𑀬𑀸. 𑀢𑁂𑀦𑀸𑀳 ‘‘𑀅𑀧𑁆𑀧𑀓𑀸’’𑀢𑀺. 𑀲𑀤𑀸 𑀲𑀢𑀸𑀢𑀺 𑀳𑀺𑀭𑀺𑀦𑀺𑀲𑁂𑀥𑀪𑀸𑀯𑁂 𑀓𑀸𑀭𑀡𑀯𑀘𑀦𑀁. 𑀧𑀧𑁆𑀧𑀼𑀬𑁆𑀬𑀸𑀢𑀺 𑀧𑀢𑁆𑀯𑀸 𑀅𑀥𑀺𑀕𑀦𑁆𑀢𑁆𑀯𑀸. 𑀯𑀸𑀦𑀢𑁄 𑀦𑀺𑀓𑁆𑀔𑀦𑁆𑀢𑀢𑁆𑀢𑀸 𑀦𑀺𑀩𑁆𑀩𑀸𑀦𑀁, 𑀅𑀲𑀗𑁆𑀔𑀢𑀥𑀸𑀢𑀼.

𑀳𑀺𑀭𑀻𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.