𑁮. 𑀉𑀬𑁆𑀬𑀼𑀢𑁆𑀢𑀲𑁂𑀦𑀸𑀲𑀺𑀓𑁆𑀔𑀸𑀧𑀤𑀁

𑁩𑁧𑁧. 𑀅𑀝𑁆𑀞𑀫𑁂 ‘‘𑀅𑀪𑀺𑀫𑀼𑀔’’𑀦𑁆𑀢𑀺𑀇𑀫𑀺𑀦𑀸 𑀅𑀪𑀺𑀲𑀤𑁆𑀤𑀲𑁆𑀲𑀢𑁆𑀣𑀁 𑀤𑀲𑁆𑀲𑁂𑀢𑀺. ‘‘𑀉𑀬𑁆𑀬𑀸𑀢𑁄’’𑀢𑀺𑀧𑀤𑀲𑁆𑀲 𑀉𑀝𑁆𑀞𑀳𑀺𑀢𑁆𑀯𑀸 𑀬𑀸𑀢𑁄𑀢𑀺 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀦𑀕𑀭𑀢𑁄 𑀦𑀺𑀕𑁆𑀕𑀢𑁄’’𑀢𑀺. ‘‘𑀓𑀢𑀉𑀬𑁆𑀬𑁄𑀕’’𑀦𑁆𑀢𑀺 𑀇𑀫𑀺𑀦𑀸 𑀉𑀝𑁆𑀞𑀳𑀺𑀢𑁆𑀯𑀸 𑀬𑀼𑀜𑁆𑀚𑀢𑀺 𑀕𑀘𑁆𑀙𑀢𑀻𑀢𑀺 𑀉𑀬𑁆𑀬𑀼𑀢𑁆𑀢𑀸𑀢𑀺 𑀤𑀲𑁆𑀲𑁂𑀢𑀺. 𑀥𑀸𑀢𑀽𑀦, 𑀫𑀦𑁂𑀓𑀢𑁆𑀣𑀢𑁆𑀢𑀸 𑀯𑀼𑀢𑁆𑀢𑀁 ‘‘𑀕𑀸𑀫𑀢𑁄 𑀦𑀺𑀓𑁆𑀔𑀦𑁆𑀢’’𑀦𑁆𑀢𑀺.

𑁩𑁧𑁪. 𑀤𑁆𑀯𑀸𑀤𑀲 𑀧𑀼𑀭𑀺𑀲𑀸 𑀇𑀫𑀲𑁆𑀲 𑀳𑀢𑁆𑀣𑀺𑀦𑁄𑀢𑀺 𑀤𑁆𑀯𑀸𑀤𑀲𑀧𑀼𑀭𑀺𑀲𑁄, 𑀆𑀯𑀼𑀥𑁄 𑀳𑀢𑁆𑀣𑁂𑀲𑀼 𑀏𑀢𑁂𑀲𑀦𑁆𑀢𑀺 𑀆𑀯𑀼𑀥𑀳𑀢𑁆𑀣𑀸. 𑀦𑀺𑀦𑁆𑀦𑀦𑁆𑀢𑀺 𑀦𑀺𑀦𑁆𑀦𑀝𑁆𑀞𑀸𑀦𑀁, 𑀧𑀲𑁆𑀲𑀢𑁄 𑀪𑀺𑀓𑁆𑀔𑀼𑀦𑁄𑀢𑀺 𑀲𑀫𑁆𑀩𑀦𑁆𑀥𑁄𑀢𑀺. 𑀅𑀝𑁆𑀞𑀫𑀁.