𑁬. 𑀤𑀼𑀢𑀺𑀬𑀲𑀳𑀲𑁂𑀬𑁆𑀬𑀲𑀺𑀓𑁆𑀔𑀸𑀧𑀤𑀁

𑁫𑁫. 𑀙𑀝𑁆𑀞𑁂 𑀆𑀕𑀦𑁆𑀢𑀼𑀓𑀸 𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀆𑀯𑀲𑀣𑁄, 𑀆𑀯𑀲𑀣𑁄 𑀘 𑀲𑁄 𑀅𑀕𑀸𑀭𑀜𑁆𑀘𑁂𑀢𑀺 𑀆𑀯𑀲𑀣𑀸𑀕𑀸𑀭𑀦𑁆𑀢𑀺 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀆𑀕𑀦𑁆𑀢𑀼𑀓𑀸𑀦𑀁 𑀯𑀲𑀦𑀸𑀕𑀸𑀭’’𑀦𑁆𑀢𑀺. 𑀫𑀦𑀼𑀲𑁆𑀲𑀸𑀦𑀁 𑀲𑀦𑁆𑀢𑀺𑀓𑀸 𑀯𑀘𑀦𑀁 𑀲𑀼𑀢𑁆𑀯𑀸𑀢𑀺 𑀯𑀘𑀦𑀲𑁂𑀲𑁄 𑀬𑁄𑀚𑁂𑀢𑀩𑁆𑀩𑁄. 𑀲𑀸𑀝𑀓𑀦𑁆𑀢𑀺 𑀉𑀢𑁆𑀢𑀭𑀲𑀸𑀝𑀓𑀁, 𑀦𑀺𑀯𑀢𑁆𑀣𑀯𑀢𑁆𑀣𑀦𑁆𑀢𑀺𑀧𑀺 𑀯𑀤𑀦𑁆𑀢𑀺. 𑀅𑀘𑁆𑀘𑀸𑀕𑀫𑁆𑀫𑀸𑀢𑀺 𑀢𑁆𑀯𑀸𑀧𑀘𑁆𑀘𑀬𑀦𑁆𑀢𑀧𑀤𑀲𑁆𑀲 𑀲𑀫𑁆𑀩𑀦𑁆𑀥𑀁 𑀤𑀲𑁆𑀲𑁂𑀢𑀼𑀫𑀸𑀳 ‘‘𑀧𑀯𑀢𑁆𑀢𑁄’’𑀢𑀺. 𑀬𑀣𑀸 𑀑𑀫𑀲𑀯𑀸𑀤𑀲𑀺𑀓𑁆𑀔𑀸𑀧𑀤𑁂 𑀅𑀓𑁆𑀓𑁄𑀲𑁂𑀢𑀼𑀓𑀸𑀫𑀢𑀸𑀬 𑀔𑀢𑁆𑀢𑀺𑀬𑀁 ‘‘𑀘𑀡𑁆𑀟𑀸𑀮𑁄’’𑀢𑀺 𑀯𑀤𑀢𑁄 𑀅𑀮𑀺𑀓𑀁 𑀪𑀡𑀢𑁄𑀧𑀺 𑀫𑀼𑀲𑀸𑀯𑀸𑀤𑀲𑀺𑀓𑁆𑀔𑀸𑀧𑀤𑁂𑀦 𑀅𑀦𑀸𑀧𑀢𑁆𑀢𑀺, 𑀑𑀫𑀲𑀯𑀸𑀤𑀲𑀺𑀓𑁆𑀔𑀸𑀧𑀤𑁂𑀦𑁂𑀯 𑀆𑀧𑀢𑁆𑀢𑀺, 𑀏𑀯𑀫𑀺𑀥𑀸𑀧𑀺 𑀫𑀸𑀢𑀼𑀕𑀸𑀫𑁂𑀦 𑀲𑀳 𑀲𑀬𑀢𑁄 𑀧𑀞𑀫𑀲𑀳𑀲𑁂𑀬𑁆𑀬𑀲𑀺𑀓𑁆𑀔𑀸𑀧𑀤𑁂𑀦 𑀅𑀦𑀸𑀧𑀢𑁆𑀢𑀺, 𑀇𑀫𑀺𑀦𑀸𑀯 𑀆𑀧𑀢𑁆𑀢𑀻𑀢𑀺 𑀤𑀝𑁆𑀞𑀩𑁆𑀩𑀦𑁆𑀢𑀺. 𑀙𑀝𑁆𑀞𑀁.