𑁨𑁨. 𑀉𑀧𑀸𑀳𑀦𑀦𑀺𑀤𑁆𑀤𑁂𑀲𑁄

𑀉𑀧𑀸𑀳𑀦𑀸 𑀘𑁂𑀯𑀸𑀢𑀺 𑁋

𑁧𑁭𑁫. 𑀫𑀚𑁆𑀛𑀤𑁂𑀲𑁂 𑀦 𑀓𑀧𑁆𑀧𑀦𑁆𑀢𑀺, 𑀕𑀡𑀗𑁆𑀕𑀡𑀽𑀧𑀸𑀳𑀦𑀸 𑀦𑀯𑀸;

𑀲𑀩𑁆𑀩𑀲𑁆𑀲 𑀓𑀧𑁆𑀧𑀦𑁆𑀢𑀸𑀭𑀸𑀫𑁂, 𑀲𑀩𑁆𑀩𑀢𑁆𑀣𑀸𑀓𑀮𑁆𑀮𑀓𑀲𑁆𑀲 𑀘.

𑁧𑁭𑁬. 𑀲𑀩𑁆𑀩𑀦𑀻𑀮𑀓𑀑𑀤𑀸𑀢𑀧𑀻𑀢𑀮𑁄𑀳𑀺𑀢𑀓𑀡𑁆𑀳𑀓𑀸;

𑀫𑀳𑀸𑀭𑀗𑁆𑀕𑀫𑀳𑀸𑀦𑀸𑀫-𑀭𑀗𑁆𑀕𑀭𑀢𑁆𑀢𑀸 𑀘𑀼𑀧𑀸𑀳𑀦𑀸.

𑁧𑁭𑁭. 𑀲𑀩𑁆𑀩𑀫𑀜𑁆𑀚𑁂𑀝𑁆𑀞𑀺𑀓𑀸 𑀘𑀺𑀢𑁆𑀭𑀸, 𑀦𑀻𑀮𑀧𑀻𑀢𑀸𑀤𑀺𑀯𑀤𑁆𑀥𑀺𑀓𑀸;

𑀢𑀺𑀢𑁆𑀢𑀺𑀭𑀧𑀢𑁆𑀢𑀺𑀓𑀸 𑀫𑁂𑀡𑁆𑀟-𑀅𑀚𑀯𑀺𑀲𑀸𑀡𑀯𑀤𑁆𑀥𑀺𑀓𑀸.

𑁧𑁭𑁮. 𑀔𑀮𑁆𑀮𑀩𑀤𑁆𑀥𑀸 𑀧𑀼𑀝𑀩𑀤𑁆𑀥𑀸, 𑀢𑀽𑀮𑀧𑀼𑀡𑁆𑀡𑀸 𑀘𑀼𑀧𑀸𑀳𑀦𑀸;

𑀧𑀸𑀮𑀺𑀕𑀼𑀡𑁆𑀞𑀺𑀫𑀓𑀸 𑀫𑁄𑀭-𑀧𑀺𑀜𑁆𑀙𑁂𑀦 𑀧𑀭𑀺𑀲𑀺𑀩𑁆𑀩𑀺𑀢𑀸.

𑁧𑁭𑁯. 𑀯𑀺𑀘𑁆𑀙𑀺𑀓𑀸𑀴𑀺𑀓𑀢𑀸 𑀲𑀻𑀳𑀩𑁆𑀬𑀕𑁆𑀖𑀼𑀤𑁆𑀤𑀸𑀚𑀺𑀦𑀤𑀻𑀧𑀺𑀦𑀁;

𑀫𑀚𑁆𑀚𑀸𑀭𑀓𑀸𑀴𑀓𑁄𑀮𑀽𑀓𑀘𑀫𑁆𑀫𑁂𑀳𑀺 𑀘 𑀧𑀭𑀺𑀓𑁆𑀔𑀝𑀸;

𑀧𑀸𑀤𑀼𑀓𑀸 𑀲𑀗𑁆𑀓𑀫𑀦𑀻𑀬𑀸, 𑀓𑁄𑀘𑀺 𑀥𑀸𑀭𑁂𑀬𑁆𑀬 𑀤𑀼𑀓𑁆𑀓𑀝𑀁.

𑁧𑁮𑁦. 𑀦𑀻𑀮𑀸𑀤𑀺𑀯𑀡𑁆𑀡𑀁 𑀲𑀓𑀮𑀁, 𑀧𑀼𑀜𑁆𑀙𑀺𑀢𑁆𑀯𑀸 𑀯𑁂𑀓𑀤𑁂𑀲𑀓𑀁;

𑀉𑀧𑀸𑀳𑀦𑀸 𑀯𑀴𑀜𑁆𑀚𑁂𑀬𑁆𑀬, 𑀳𑀸𑀭𑁂𑀢𑁆𑀯𑀸 𑀔𑀮𑁆𑀮𑀓𑀸𑀤𑀺𑀓𑀦𑁆𑀢𑀺.