𑁩. 𑀧𑀭𑀫𑁆𑀧𑀭𑀪𑁄𑀚𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀅𑀜𑁆𑀜𑀢𑁆𑀭 𑀲𑀫𑀬𑀸𑀢𑀺 𑀧𑀦 𑀦𑀺𑀫𑀦𑁆𑀢𑀦𑀢𑁄 𑀧𑀲𑀯𑀦𑀢𑁄 𑀪𑁄𑀚𑀦𑀸𑀧𑁂𑀓𑁆𑀔𑀁 𑀧𑀸𑀘𑀺𑀢𑁆𑀢𑀺𑀬𑀦𑁆𑀢𑀺 𑀏𑀓𑁂. 𑀏𑀓𑁄 𑀪𑀺𑀓𑁆𑀔𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑁄 𑀪𑀢𑁆𑀢𑀁 𑀮𑀪𑀢𑀺, 𑀢𑀫𑀜𑁆𑀜𑁄 𑀘𑀽𑀧𑀸𑀲𑀓𑁄 𑀦𑀺𑀫𑀦𑁆𑀢𑁂𑀢𑁆𑀯𑀸 𑀖𑀭𑁂 𑀦𑀺𑀲𑀻𑀤𑀸𑀧𑁂𑀲𑀺, 𑀦 𑀘 𑀢𑀸𑀯 𑀪𑀢𑁆𑀢𑀁 𑀲𑀫𑁆𑀧𑀚𑁆𑀚𑀢𑀺. 𑀲𑀘𑁂 𑀲𑁄 𑀪𑀺𑀓𑁆𑀔𑀼 𑀧𑀺𑀡𑁆𑀟𑀸𑀬 𑀘𑀭𑀺𑀢𑁆𑀯𑀸 𑀮𑀤𑁆𑀥𑀪𑀢𑁆𑀢𑀁 𑀪𑀼𑀜𑁆𑀚𑀢𑀺, 𑀆𑀧𑀢𑁆𑀢𑀺. 𑀓𑀲𑁆𑀫𑀸𑀢𑀺 𑀘𑁂? ‘‘𑀧𑀭𑀫𑁆𑀧𑀭𑀪𑁄𑀚𑀦𑀁 𑀦𑀸𑀫 𑀧𑀜𑁆𑀘𑀦𑁆𑀦𑀁 𑀪𑁄𑀚𑀦𑀸𑀦𑀁 𑀅𑀜𑁆𑀜𑀢𑀭𑁂𑀦 𑀪𑁄𑀚𑀦𑁂𑀦 𑀦𑀺𑀫𑀦𑁆𑀢𑀺𑀢𑁄 𑀢𑀁 𑀞𑀧𑁂𑀢𑁆𑀯𑀸 𑀅𑀜𑁆𑀜𑀁 𑀧𑀜𑁆𑀘𑀦𑁆𑀦𑀁 𑀪𑁄𑀚𑀦𑀸𑀦𑀁 𑀅𑀜𑁆𑀜𑀢𑀭𑀁 𑀪𑁄𑀚𑀦𑀁 𑀪𑀼𑀜𑁆𑀚𑀢𑀺, 𑀏𑀢𑀁 𑀧𑀭𑀫𑁆𑀧𑀭𑀪𑁄𑀚𑀦𑀁 𑀦𑀸𑀫𑀸’’𑀢𑀺 (𑀧𑀸𑀘𑀺. 𑁨𑁨𑁭) 𑀯𑀼𑀢𑁆𑀢𑀢𑁆𑀢𑀸. 𑀧𑀞𑀫𑀓𑀣𑀺𑀦𑀲𑀤𑀺𑀲𑀸𑀦𑀺, 𑀇𑀤𑀁 𑀧𑀦 𑀓𑀺𑀭𑀺𑀬𑀸𑀓𑀺𑀭𑀺𑀬’’𑀦𑁆𑀢𑀺 𑀧𑀸𑀞𑁄.

𑀧𑀭𑀫𑁆𑀧𑀭𑀪𑁄𑀚𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.