𑁩. 𑀤𑁆𑀯𑁂𑀪𑀸𑀕𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

‘‘𑀢𑀼𑀮𑀬𑀺𑀢𑁆𑀯𑀸’’𑀢𑀺 𑀯𑀘𑀦𑀢𑁄 𑀬𑀣𑀸 𑀢𑀼𑀮𑀸𑀥𑀸𑀭𑀡𑀸𑀬 𑀓𑀸𑀴𑀓𑀸𑀥𑀺𑀓𑀸 𑀦 𑀳𑁄𑀦𑁆𑀢𑀺, 𑀢𑀣𑀸 𑀓𑀸𑀴𑀓𑀸𑀦𑀁 𑀤𑁆𑀯𑁂 𑀪𑀸𑀕𑀸 𑀕𑀳𑁂𑀢𑀩𑁆𑀩𑀸 𑀉𑀓𑁆𑀓𑀝𑁆𑀞𑀧𑀭𑀺𑀘𑁆𑀙𑁂𑀤𑁂𑀦. ‘‘𑀏𑀓𑀲𑁆𑀲𑀸𑀧𑀺 𑀓𑀸𑀴𑀓𑀮𑁄𑀫𑀲𑁆𑀲 𑀅𑀢𑀺𑀭𑁂𑀓𑀪𑀸𑀯𑁂 𑀦𑀺𑀲𑁆𑀲𑀕𑁆𑀕𑀺𑀬𑀦𑁆𑀢𑀺 𑀯𑀘𑀦𑀁 𑀢𑀼𑀮𑀸𑀥𑀸𑀭𑀡𑀸𑀬 𑀓𑀺𑀜𑁆𑀘𑀸𑀧𑀺 𑀦 𑀲𑀫𑁂𑀢𑀺, 𑀅𑀘𑀺𑀢𑁆𑀢𑀓𑀢𑁆𑀢𑀸 𑀧𑀦 𑀲𑀺𑀓𑁆𑀔𑀸𑀧𑀤𑀲𑁆𑀲 𑀧𑀼𑀩𑁆𑀩𑁂 𑀢𑀼𑀮𑀸𑀬 𑀥𑀸𑀭𑀬𑀺𑀢𑁆𑀯𑀸 𑀞𑀧𑀺𑀢𑁂𑀲𑀼 𑀏𑀓𑀫𑁆𑀧𑀺 𑀮𑁄𑀫𑀁 𑀢𑀢𑁆𑀣 𑀧𑀢𑁂𑀬𑁆𑀬, 𑀦𑀺𑀲𑁆𑀲𑀕𑁆𑀕𑀺𑀬𑀦𑁆𑀢𑀺 𑀅𑀬𑀫𑀥𑀺𑀧𑁆𑀧𑀸𑀬𑁄𑀢𑀺 𑀦𑁄 𑀢𑀓𑁆𑀓𑁄’’𑀢𑀺 𑀆𑀘𑀭𑀺𑀬𑁄. 𑀯𑀼𑀢𑁆𑀢𑀧𑀭𑀺𑀘𑁆𑀙𑁂𑀤𑁂𑀦 𑀅𑀕𑁆𑀕𑀳𑀡𑀁 𑀅𑀓𑀺𑀭𑀺𑀬𑀸, 𑀲𑀦𑁆𑀣𑀢𑀓𑀭𑀡𑀁 𑀓𑀺𑀭𑀺𑀬𑀸.

𑀤𑁆𑀯𑁂𑀪𑀸𑀕𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.