𑁬. 𑀧𑀞𑀫𑀲𑀗𑁆𑀖𑀺𑀓𑀘𑁂𑀢𑀸𑀧𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀅𑀜𑁆𑀜𑀲𑁆𑀲𑀢𑁆𑀣𑀸𑀬 𑀤𑀺𑀦𑁆𑀦𑁂𑀦𑀸𑀢𑀺 𑀬𑀁 𑀘𑁂𑀢𑀸𑀧𑁂𑀢𑀺, 𑀢𑀢𑁄 𑀅𑀜𑁆𑀜𑀲𑁆𑀲𑀢𑁆𑀣𑀸𑀬 𑀤𑀺𑀦𑁆𑀦𑁂𑀦. 𑀅𑀜𑁆𑀜𑀼𑀤𑁆𑀤𑀺𑀲𑀺𑀓𑁂𑀦𑀸𑀢𑀺 𑀧𑀼𑀭𑀺𑀫𑀲𑁆𑀲𑁂𑀯𑀢𑁆𑀣𑀤𑀻𑀧𑀦𑀁.

𑀲𑁂𑀲𑀓𑀁 𑀉𑀧𑀦𑁂𑀦𑁆𑀢𑀺𑀬𑀸𑀢𑀺 𑀬𑀤𑀢𑁆𑀣𑀸𑀬 𑀤𑀺𑀦𑁆𑀦𑁄, 𑀢𑀁 𑀘𑁂𑀢𑀸𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀅𑀜𑁆𑀜𑀲𑁆𑀲𑀢𑁆𑀣𑀸𑀬 𑀉𑀧𑀦𑁂𑀦𑁆𑀢𑀺𑀬𑀸. 𑀲𑀸𑀫𑀺𑀓𑁂 𑀅𑀧𑀮𑁄𑀓𑁂𑀢𑁆𑀯𑀸𑀢𑀺 𑀤𑀸𑀬𑀓𑁂 𑀆𑀧𑀼𑀘𑁆𑀙𑀺𑀢𑁆𑀯𑀸. 𑀏𑀯𑀭𑀽𑀧𑀸𑀲𑀽 𑀆𑀧𑀤𑀸𑀲𑀼 𑀉𑀧𑀦𑁂𑀦𑁆𑀢𑀻𑀦𑀦𑁆𑀢𑀺 𑀏𑀯𑀭𑀽𑀧𑁂𑀲𑀼 𑀉𑀧𑀤𑁆𑀤𑀯𑁂𑀲𑀼 𑀅𑀜𑁆𑀜𑀲𑁆𑀲 𑀬𑀲𑁆𑀲 𑀓𑀲𑁆𑀲𑀘𑀺 𑀅𑀢𑁆𑀣𑀸𑀬 𑀉𑀧𑀦𑁂𑀦𑁆𑀢𑀻𑀦𑀁.

𑀧𑀞𑀫𑀲𑀗𑁆𑀖𑀺𑀓𑀘𑁂𑀢𑀸𑀧𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.