𑁭-𑁮. 𑀲𑀺𑀓𑁆𑀔𑀫𑀸𑀦𑀦𑀯𑀼𑀝𑁆𑀞𑀸𑀧𑀦𑀧𑀞𑀫𑀤𑀼𑀢𑀺𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀲𑀢𑁆𑀢𑀫𑁂 𑀲𑀸 𑀧𑀘𑁆𑀙𑀸𑀢𑀺 𑀲𑀺𑀓𑁆𑀔𑀫𑀸𑀦𑀸𑀬 𑀉𑀧𑀲𑀫𑁆𑀧𑀤𑀸𑀬 𑀬𑀸𑀘𑀺𑀬𑀫𑀸𑀦𑀸𑀬 𑀲𑀸 𑀪𑀺𑀓𑁆𑀔𑀼𑀦𑀻 𑀏𑀯𑀁 𑀯𑀢𑁆𑀯𑀸 𑀮𑀤𑁆𑀥𑁂 𑀘𑀻𑀯𑀭𑁂 𑀧𑀘𑁆𑀙𑀸 𑀅𑀲𑀢𑀺 𑀅𑀦𑁆𑀢𑀭𑀸𑀬𑁂 ‘‘𑀦𑁂𑀯 𑀯𑀼𑀝𑁆𑀞𑀸𑀧𑁂𑀲𑁆𑀲𑀸𑀫𑀺, 𑀦 𑀯𑀼𑀝𑁆𑀞𑀸𑀧𑀦𑀸𑀬 𑀉𑀲𑁆𑀲𑀼𑀓𑁆𑀓𑀁 𑀓𑀭𑀺𑀲𑁆𑀲𑀸𑀫𑀻’’𑀢𑀺 𑀥𑀼𑀭𑀁 𑀦𑀺𑀓𑁆𑀔𑀺𑀧𑁂𑀬𑁆𑀬, 𑀢𑀲𑁆𑀲𑀸 𑀲𑀳 𑀥𑀼𑀭𑀦𑀺𑀓𑁆𑀔𑁂𑀧𑁂𑀦 𑀧𑀸𑀘𑀺𑀢𑁆𑀢𑀺𑀬𑀦𑁆𑀢𑀺. 𑀅𑀝𑁆𑀞𑀫𑁂𑀧𑀺 𑀏𑀲𑁂𑀯 𑀦𑀬𑁄.

𑀉𑀪𑀬𑀫𑁆𑀧𑀺 𑀲𑀸𑀯𑀢𑁆𑀣𑀺𑀬𑀁 𑀣𑀼𑀮𑁆𑀮𑀦𑀦𑁆𑀤𑀁 𑀆𑀭𑀩𑁆𑀪 𑀏𑀢𑁂𑀲𑀼 𑀯𑀢𑁆𑀣𑀽𑀲𑀼 𑀧𑀜𑁆𑀜𑀢𑁆𑀢𑀁, 𑀤𑁆𑀯𑀻𑀲𑀼𑀧𑀺 𑀲𑀢𑀺 𑀅𑀦𑁆𑀢𑀭𑀸𑀬𑁂, 𑀧𑀭𑀺𑀬𑁂𑀲𑀺𑀢𑁆𑀯𑀸 𑀅𑀮𑀪𑀦𑁆𑀢𑀺𑀬𑀸, 𑀕𑀺𑀮𑀸𑀦𑀸𑀬, 𑀆𑀧𑀤𑀸𑀲𑀼, 𑀉𑀫𑁆𑀫𑀢𑁆𑀢𑀺𑀓𑀸𑀤𑀻𑀦𑀜𑁆𑀘 𑀅𑀦𑀸𑀧𑀢𑁆𑀢𑀺. 𑀉𑀪𑀬𑀢𑁆𑀣 ‘‘𑀏𑀯𑀸𑀳𑀁 𑀢𑀁 𑀯𑀼𑀝𑁆𑀞𑀸𑀧𑁂𑀲𑁆𑀲𑀸𑀫𑀻’’𑀢𑀺 𑀧𑀝𑀺𑀜𑁆𑀜𑀸, 𑀆𑀓𑀗𑁆𑀔𑀺𑀢𑀦𑀺𑀧𑁆𑀨𑀢𑁆𑀢𑀺, 𑀧𑀘𑁆𑀙𑀸 𑀥𑀼𑀭𑀦𑀺𑀓𑁆𑀔𑁂𑀧𑁄, 𑀅𑀦𑀼𑀜𑁆𑀜𑀸𑀢𑀓𑀸𑀭𑀡𑀸𑀪𑀸𑀯𑁄𑀢𑀺 𑀇𑀫𑀸𑀦𑁂𑀢𑁆𑀣 𑀘𑀢𑁆𑀢𑀸𑀭𑀺 𑀅𑀗𑁆𑀕𑀸𑀦𑀺. 𑀲𑀫𑀼𑀝𑁆𑀞𑀸𑀦𑀸𑀤𑀻𑀦𑀺 𑀲𑀫𑀦𑀼𑀪𑀸𑀲𑀦𑀲𑀤𑀺𑀲𑀸𑀦𑀻𑀢𑀺.

𑀲𑀺𑀓𑁆𑀔𑀫𑀸𑀦𑀦𑀯𑀼𑀝𑁆𑀞𑀸𑀧𑀦𑀧𑀞𑀫𑀤𑀼𑀢𑀺𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.