𑁬. 𑀪𑁄𑀚𑀦𑀤𑀸𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀙𑀝𑁆𑀞𑁂 𑀲𑀳𑀢𑁆𑀣𑀸𑀢𑀺 𑀓𑀸𑀬𑁂𑀦 𑀯𑀸 𑀓𑀸𑀬𑀧𑁆𑀧𑀝𑀺𑀩𑀤𑁆𑀥𑁂𑀦 𑀯𑀸 𑀦𑀺𑀲𑁆𑀲𑀕𑁆𑀕𑀺𑀬𑁂𑀦 𑀯𑀸 𑀞𑀧𑁂𑀢𑁆𑀯𑀸 𑀧𑀜𑁆𑀘𑀲𑀳𑀥𑀫𑁆𑀫𑀺𑀓𑁂 𑀅𑀯𑀲𑁂𑀲𑀸𑀦𑀁 𑀅𑀜𑁆𑀜𑀢𑁆𑀭 𑀉𑀤𑀓𑀤𑀦𑁆𑀢𑀧𑁄𑀦𑀸 𑀬𑀁𑀓𑀺𑀜𑁆𑀘𑀺 𑀅𑀚𑁆𑀛𑁄𑀳𑀭𑀡𑀻𑀬𑀁 𑀤𑀤𑀦𑁆𑀢𑀺𑀬𑀸 𑀧𑀸𑀘𑀺𑀢𑁆𑀢𑀺𑀬𑀁.

𑀲𑀸𑀯𑀢𑁆𑀣𑀺𑀬𑀁 𑀣𑀼𑀮𑁆𑀮𑀦𑀦𑁆𑀤𑀁 𑀆𑀭𑀩𑁆𑀪 𑀅𑀕𑀸𑀭𑀺𑀓𑀲𑁆𑀲 𑀔𑀸𑀤𑀦𑀻𑀬𑀪𑁄𑀚𑀦𑀻𑀬𑀤𑀸𑀦𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁, 𑀉𑀤𑀓𑀤𑀦𑁆𑀢𑀧𑁄𑀦𑁂 𑀤𑀼𑀓𑁆𑀓𑀝𑀁. 𑀬𑀸 𑀧𑀦 𑀤𑀸𑀧𑁂𑀢𑀺 𑀦 𑀤𑁂𑀢𑀺, 𑀉𑀧𑀦𑀺𑀓𑁆𑀔𑀺𑀧𑀺𑀢𑁆𑀯𑀸 𑀤𑁂𑀢𑀺, 𑀩𑀸𑀳𑀺𑀭𑀮𑁂𑀧𑀁 𑀤𑁂𑀢𑀺, 𑀢𑀲𑁆𑀲𑀸, 𑀉𑀫𑁆𑀫𑀢𑁆𑀢𑀺𑀓𑀸𑀤𑀻𑀦𑀜𑁆𑀘 𑀅𑀦𑀸𑀧𑀢𑁆𑀢𑀺. 𑀅𑀜𑁆𑀜𑀢𑁆𑀭 𑀉𑀤𑀓𑀤𑀦𑁆𑀢𑀧𑁄𑀦𑀸 𑀅𑀚𑁆𑀛𑁄𑀳𑀭𑀡𑀺𑀬𑀁, 𑀞𑀧𑁂𑀢𑁆𑀯𑀸 𑀧𑀜𑁆𑀘 𑀲𑀳𑀥𑀫𑁆𑀫𑀺𑀓𑁂 𑀅𑀜𑁆𑀜𑀲𑁆𑀲 𑀲𑀳𑀢𑁆𑀣𑀸 𑀤𑀸𑀦𑀦𑁆𑀢𑀺 𑀇𑀫𑀸𑀦𑁂𑀢𑁆𑀣 𑀤𑁆𑀯𑁂 𑀅𑀗𑁆𑀕𑀸𑀦𑀺. 𑀲𑀫𑀼𑀝𑁆𑀞𑀸𑀦𑀸𑀤𑀻𑀦𑀺 𑀏𑀴𑀓𑀮𑁄𑀫𑀲𑀤𑀺𑀲𑀸𑀦𑀻𑀢𑀺.

𑀪𑁄𑀚𑀦𑀤𑀸𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.