𑁧𑁦. 𑀢𑀺𑀭𑀘𑁆𑀙𑀸𑀦𑀯𑀺𑀚𑁆𑀚𑀸𑀯𑀸𑀘𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀤𑀲𑀫𑁂 𑀯𑀸𑀘𑁂𑀬𑁆𑀬𑀸𑀢𑀺 𑀧𑀤𑀁 𑀯𑀺𑀲𑁂𑀲𑁄. 𑀉𑀪𑀬𑀫𑁆𑀧𑀺 𑀲𑀸𑀯𑀢𑁆𑀣𑀺𑀬𑀁 𑀙𑀩𑁆𑀩𑀕𑁆𑀕𑀺𑀬𑀸 𑀘𑁂𑀯 𑀲𑀫𑁆𑀩𑀳𑀼𑀮𑀸 𑀪𑀺𑀓𑁆𑀔𑀼𑀦𑀺𑀬𑁄 𑀘 𑀆𑀭𑀩𑁆𑀪 𑀢𑀺𑀭𑀘𑁆𑀙𑀸𑀦𑀯𑀺𑀚𑁆𑀚𑀁 𑀧𑀭𑀺𑀬𑀸𑀧𑀼𑀡𑀦𑀯𑀸𑀘𑀦𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀁. 𑀮𑁂𑀔𑁂, 𑀥𑀸𑀭𑀡𑀸𑀬 𑀘, 𑀕𑀼𑀢𑁆𑀢𑀢𑁆𑀣𑀸𑀬 𑀘 𑀬𑀓𑁆𑀔𑀧𑀭𑀺𑀢𑁆𑀢𑀦𑀸𑀕𑀫𑀡𑁆𑀟𑀮𑀸𑀤𑀺𑀓𑁂 𑀲𑀩𑁆𑀩𑀧𑀭𑀺𑀢𑁆𑀢𑁂, 𑀉𑀫𑁆𑀫𑀢𑁆𑀢𑀺𑀓𑀸𑀤𑀻𑀦𑀜𑁆𑀘 𑀅𑀦𑀸𑀧𑀢𑁆𑀢𑀺. 𑀢𑀺𑀭𑀘𑁆𑀙𑀸𑀦𑀯𑀺𑀚𑁆𑀚𑀢𑀸, 𑀧𑀭𑀺𑀬𑀸𑀧𑀼𑀡𑀦𑀯𑀸𑀘𑀦𑀸, 𑀅𑀦𑀼𑀜𑁆𑀜𑀸𑀢𑀓𑀸𑀭𑀡𑀸𑀪𑀸𑀯𑁄𑀢𑀺 𑀇𑀫𑀸𑀦𑁂𑀢𑁆𑀣 𑀤𑁆𑀯𑀻𑀲𑀼𑀧𑀺 𑀢𑀻𑀡𑀺 𑀅𑀗𑁆𑀕𑀸𑀦𑀺. 𑀲𑀫𑀼𑀝𑁆𑀞𑀸𑀦𑀸𑀤𑀻𑀦𑀺 𑀧𑀤𑀲𑁄𑀥𑀫𑁆𑀫𑀲𑀤𑀺𑀲𑀸𑀦𑀻𑀢𑀺.

𑀢𑀺𑀭𑀘𑁆𑀙𑀸𑀦𑀯𑀺𑀚𑁆𑀚𑀸𑀯𑀸𑀘𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀘𑀺𑀢𑁆𑀢𑀸𑀕𑀸𑀭𑀯𑀕𑁆𑀕𑁄 𑀧𑀜𑁆𑀘𑀫𑁄.