𑁩. 𑀧𑀜𑁆𑀳𑀧𑀼𑀘𑁆𑀙𑀓𑀯𑀡𑁆𑀡𑀦𑀸

𑁪𑁨𑁭. 𑀧𑀜𑁆𑀳𑀧𑀼𑀘𑁆𑀙𑀓𑁂 𑀬𑀁 𑀯𑀼𑀢𑁆𑀢𑀁 ‘‘𑀯𑀻𑀭𑀺𑀬𑀚𑁂𑀝𑁆𑀞𑀺𑀓𑀸𑀬 𑀧𑀦 𑀅𑀜𑁆𑀜𑀲𑁆𑀲 𑀯𑀻𑀭𑀺𑀬𑀲𑁆𑀲 𑀅𑀪𑀸𑀯𑀸 𑀦 𑀯𑀢𑁆𑀢𑀩𑁆𑀩𑀸𑀦𑀺 𑀫𑀕𑁆𑀕𑀸𑀥𑀺𑀧𑀢𑀻𑀦𑀻𑀢𑀺 𑀯𑀸 𑀦 𑀫𑀕𑁆𑀕𑀸𑀥𑀺𑀧𑀢𑀻𑀦𑀻𑀢𑀺 𑀯𑀸’’𑀢𑀺, 𑀏𑀢𑁆𑀣 ‘‘𑀫𑀕𑁆𑀕𑀸𑀥𑀺𑀧𑀢𑀻𑀦𑀻’’𑀢𑀺 𑀦 𑀯𑀢𑁆𑀢𑀩𑁆𑀩𑀢𑀸𑀬 𑀏𑀯 𑀅𑀜𑁆𑀜𑀲𑁆𑀲 𑀯𑀻𑀭𑀺𑀬𑀲𑁆𑀲 𑀅𑀪𑀸𑀯𑁄 𑀓𑀸𑀭𑀡𑀦𑁆𑀢𑀺 𑀤𑀝𑁆𑀞𑀩𑁆𑀩𑀁. 𑀙𑀦𑁆𑀤𑀲𑁆𑀲 𑀧𑀦 𑀘𑀺𑀢𑁆𑀢𑀲𑁆𑀲 𑀯𑀸 𑀦𑀫𑀕𑁆𑀕𑀪𑀽𑀢𑀲𑁆𑀲 𑀅𑀥𑀺𑀧𑀢𑀺𑀦𑁄 𑀢𑀤𑀸 𑀅𑀪𑀸𑀯𑀸 ‘‘𑀦 𑀫𑀕𑁆𑀕𑀸𑀥𑀺𑀧𑀢𑀻𑀦𑀻’’𑀢𑀺 𑀦 𑀯𑀢𑁆𑀢𑀩𑁆𑀩𑀸𑀦𑀻𑀢𑀺 𑀯𑀼𑀢𑁆𑀢𑀁. 𑀙𑀦𑁆𑀤𑀘𑀺𑀢𑁆𑀢𑀸𑀦𑀁 𑀯𑀺𑀬 𑀦𑀫𑀕𑁆𑀕𑀪𑀽𑀢𑀲𑁆𑀲 𑀅𑀜𑁆𑀜𑀲𑁆𑀲 𑀯𑀻𑀭𑀺𑀬𑀸𑀥𑀺𑀧𑀢𑀺𑀦𑁄 𑀅𑀪𑀸𑀯𑀸𑀢𑀺 𑀯𑀸 𑀅𑀥𑀺𑀧𑁆𑀧𑀸𑀬𑁄. 𑀲𑀫𑁆𑀫𑀧𑁆𑀧𑀥𑀸𑀦𑀸𑀦𑀁 𑀢𑀤𑀸 𑀫𑀕𑁆𑀕𑀲𑀗𑁆𑀔𑀸𑀢𑀅𑀥𑀺𑀧𑀢𑀺𑀪𑀸𑀯𑀢𑁄 𑀯𑀸 ‘‘𑀦 𑀫𑀕𑁆𑀕𑀸𑀥𑀺𑀧𑀢𑀻𑀦𑀻’’𑀢𑀺 𑀦𑀯𑀢𑁆𑀢𑀩𑁆𑀩𑀢𑀸 𑀯𑀼𑀢𑁆𑀢𑀸𑀢𑀺 𑀯𑁂𑀤𑀺𑀢𑀩𑁆𑀩𑀸.

𑀧𑀜𑁆𑀳𑀧𑀼𑀘𑁆𑀙𑀓𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀫𑁆𑀫𑀧𑁆𑀧𑀥𑀸𑀦𑀯𑀺𑀪𑀗𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.