(𑁬.) 𑀙𑀓𑁆𑀓𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸

𑁮𑁦𑁫. 𑀯𑀺𑀲𑀼𑀤𑁆𑀥𑀺𑀪𑀸𑀯𑀁 𑀤𑀲𑁆𑀲𑁂𑀦𑁆𑀢𑁄 ‘‘𑀤𑀽𑀭…𑀧𑁂… 𑀭𑀫𑁆𑀫𑀡𑀸𑀬𑀸’’𑀢𑀺 𑀆𑀳. 𑀲𑁄𑀢𑀥𑀸𑀢𑀼𑀯𑀺𑀲𑀼𑀤𑁆𑀥𑀻𑀢𑀺 𑀘 𑀘𑀺𑀢𑁆𑀢𑀘𑁂𑀢𑀲𑀺𑀓𑀸 𑀥𑀫𑁆𑀫𑀸 𑀯𑀼𑀢𑁆𑀢𑀸𑀢𑀺 𑀢𑀢𑁆𑀣 𑀜𑀸𑀡𑀁 𑀲𑁄𑀢𑀥𑀸𑀢𑀼𑀯𑀺𑀲𑀼𑀤𑁆𑀥𑀺𑀬𑀸 𑀜𑀸𑀡𑀁. ‘‘𑀘𑁂𑀢𑁄𑀧𑀭𑀺𑀬𑀜𑀸𑀡’’𑀦𑁆𑀢𑀺 𑀇𑀤𑀫𑁂𑀯 𑀅𑀢𑁆𑀣𑀯𑀲𑁂𑀦 ‘‘𑀧𑀭𑀘𑀺𑀢𑁆𑀢𑁂 𑀜𑀸𑀡’’𑀦𑁆𑀢𑀺 𑀉𑀤𑁆𑀥𑀝𑀦𑁆𑀢𑀺 𑀤𑀝𑁆𑀞𑀩𑁆𑀩𑀁. 𑀘𑀼𑀢𑀽𑀧𑀧𑀸𑀢𑀜𑀸𑀡𑀲𑁆𑀲 𑀤𑀺𑀩𑁆𑀩𑀘𑀓𑁆𑀔𑀼𑀜𑀸𑀡𑁂𑀓𑀤𑁂𑀲𑀢𑁆𑀢𑀸 ‘‘𑀯𑀡𑁆𑀡𑀥𑀸𑀢𑀼𑀆𑀭𑀫𑁆𑀫𑀡𑀸’’𑀢𑀺 𑀯𑀼𑀢𑁆𑀢𑀁. 𑀫𑀼𑀤𑁆𑀥𑀧𑁆𑀧𑀢𑁆𑀢𑁂𑀦 𑀘𑀼𑀢𑀽𑀧𑀧𑀸𑀢𑀜𑀸𑀡𑀲𑀗𑁆𑀔𑀸𑀢𑁂𑀦 𑀤𑀺𑀩𑁆𑀩𑀘𑀓𑁆𑀔𑀼𑀜𑀸𑀡𑁂𑀦 𑀲𑀩𑁆𑀩𑀁 𑀤𑀺𑀩𑁆𑀩𑀘𑀓𑁆𑀔𑀼𑀜𑀸𑀡𑀦𑁆𑀢𑀺 𑀯𑀼𑀢𑁆𑀢𑀦𑁆𑀢𑀺 𑀤𑀝𑁆𑀞𑀩𑁆𑀩𑀁.

𑀙𑀓𑁆𑀓𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.