𑁧𑁩. 𑀓𑀫𑁆𑀫𑀧𑀘𑁆𑀘𑀬𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸

𑁧𑁩. 𑀘𑁂𑀢𑀦𑀸𑀲𑀫𑁆𑀧𑀬𑀼𑀢𑁆𑀢𑀓𑀫𑁆𑀫𑀁 𑀅𑀪𑀺𑀚𑁆𑀛𑀸𑀤𑀺 𑀓𑀫𑁆𑀫𑀧𑀘𑁆𑀘𑀬𑁄 𑀦 𑀳𑁄𑀢𑀻𑀢𑀺 ‘‘𑀘𑁂𑀢𑀦𑀸𑀓𑀫𑁆𑀫𑀫𑁂𑀯𑀸’’𑀢𑀺 𑀆𑀳. 𑀲𑀢𑀺𑀧𑀺 𑀳𑀺 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀢𑁆𑀢𑁂 𑀦 𑀘𑁂𑀢𑀦𑀸𑀯𑀚𑁆𑀚𑀸 𑀏𑀯𑀁𑀲𑀪𑀸𑀯𑀸𑀢𑀺. 𑀅𑀢𑁆𑀢𑀦𑁄 𑀨𑀮𑀁 𑀉𑀧𑁆𑀧𑀸𑀤𑁂𑀢𑀼𑀁 𑀲𑀫𑀢𑁆𑀣𑁂𑀦𑀸𑀢𑀺 𑀓𑀫𑁆𑀫𑀲𑁆𑀲 𑀲𑀫𑀢𑁆𑀣𑀢𑀸 𑀢𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑀪𑀸𑀯𑁄 𑀯𑀼𑀢𑁆𑀢𑀸𑀢𑀺 𑀤𑀝𑁆𑀞𑀩𑁆𑀩𑀸.

𑀧𑀜𑁆𑀘𑀯𑁄𑀓𑀸𑀭𑁂𑀬𑁂𑀯, 𑀦 𑀅𑀜𑁆𑀜𑀢𑁆𑀣𑀸𑀢𑀺 𑀏𑀢𑁂𑀦 𑀓𑀸𑀫𑀸𑀯𑀘𑀭𑀘𑁂𑀢𑀦𑀸 𑀏𑀓𑀯𑁄𑀓𑀸𑀭𑁂 𑀭𑀽𑀧𑀫𑁆𑀧𑀺 𑀦 𑀚𑀦𑁂𑀢𑀻𑀢𑀺 𑀤𑀲𑁆𑀲𑁂𑀢𑀺.

𑀓𑀫𑁆𑀫𑀧𑀘𑁆𑀘𑀬𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.