𑁧𑁧. 𑀏𑀓𑀸𑀤𑀲𑀫𑀦𑀬𑁄 𑀲𑀗𑁆𑀕𑀳𑀺𑀢𑁂𑀦𑀲𑀫𑁆𑀧𑀬𑀼𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀧𑀤𑀯𑀡𑁆𑀡𑀦𑀸

𑁪𑁦𑁯. 𑀏𑀓𑀸𑀤𑀲𑀫𑀦𑀬𑀯𑀡𑁆𑀡𑀦𑀸𑀬𑀁 ‘‘𑀢𑁂 𑀘 𑀲𑁂𑀲𑁂𑀳𑀺 𑀢𑀻𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦 𑀫𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀯𑀺𑀜𑁆𑀜𑀸𑀡𑀥𑀸𑀢𑀽𑀳𑀻’’𑀢𑀺 𑀏𑀢𑁂𑀲𑀁 𑀧𑀤𑀸𑀦𑀁 ‘‘𑀲𑀫𑁆𑀧𑀬𑀼𑀢𑁆𑀢𑀸 𑀦𑀸𑀫𑀸’’𑀢𑀺 𑀏𑀢𑁂𑀦 𑀲𑀳 𑀲𑀫𑁆𑀩𑀦𑁆𑀥𑁄. ‘‘𑀓𑁂𑀳𑀺𑀘𑀻’’𑀢𑀺 𑀏𑀢𑀲𑁆𑀲 𑀧𑀦𑀢𑁆𑀣𑀁 𑀤𑀲𑁆𑀲𑁂𑀢𑀼𑀁 ‘‘𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁂 𑀥𑀫𑁆𑀫𑀸𑀬𑀢𑀦𑀥𑀫𑁆𑀫𑀥𑀸𑀢𑀽𑀲𑀼 𑀘 𑀞𑀧𑁂𑀢𑁆𑀯𑀸 𑀢𑀡𑁆𑀳’’𑀦𑁆𑀢𑀺 𑀏𑀢𑁂𑀦 ‘‘𑀢𑁂 𑀘𑀸’’𑀢𑀺 𑀯𑀼𑀢𑁆𑀢𑁂 𑀲𑀫𑀼𑀤𑀬𑀲𑀘𑁆𑀘𑁂𑀦 𑀔𑀦𑁆𑀥𑀸𑀤𑀺𑀲𑀗𑁆𑀕𑀳𑁂𑀦 𑀲𑀗𑁆𑀕𑀳𑀺𑀢𑀥𑀫𑁆𑀫𑁂 𑀯𑀺𑀲𑁂𑀲𑁂𑀢𑁆𑀯𑀸 𑀢𑁂𑀲𑀁 𑀏𑀯 𑀯𑀺𑀲𑁂𑀲𑀺𑀢𑀸𑀦𑀁 𑀅𑀢𑁆𑀢𑀯𑀚𑁆𑀚𑁂𑀳𑀺 𑀲𑁂𑀲𑁂𑀳𑀺 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁂 𑀢𑀡𑁆𑀳𑀸𑀬 𑀥𑀫𑁆𑀫𑀸𑀬𑀢𑀦𑀥𑀫𑁆𑀫𑀥𑀸𑀢𑀽𑀲𑀼 𑀘 𑀢𑀡𑁆𑀳𑀸𑀬 𑀯𑁂𑀤𑀦𑀸𑀲𑀜𑁆𑀜𑀸𑀓𑁆𑀔𑀦𑁆𑀥𑁂𑀳𑀺 𑀲𑀫𑁆𑀧𑀬𑁄𑀕𑀸𑀭𑀳𑁂𑀳𑀺 𑀲𑀫𑁆𑀧𑀬𑀼𑀢𑁆𑀢𑀢𑀁 𑀲𑀦𑁆𑀥𑀸𑀬𑀸𑀳 ‘‘𑀲𑁂𑀲𑁂𑀳𑀺 𑀲𑀫𑁆𑀧𑀬𑀼𑀢𑁆𑀢𑀢𑁆𑀢𑀸 𑀓𑁂𑀳𑀺𑀘𑀺 𑀲𑀫𑁆𑀧𑀬𑀼𑀢𑁆𑀢𑀸 𑀦𑀸𑀫𑀸’’𑀢𑀺.

𑀏𑀓𑀸𑀤𑀲𑀫𑀦𑀬𑀲𑀗𑁆𑀕𑀳𑀺𑀢𑁂𑀦𑀲𑀫𑁆𑀧𑀬𑀼𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.