(𑁨𑁬) 𑁬. 𑀅𑀪𑀺𑀜𑁆𑀜𑀸𑀯𑀕𑁆𑀕𑁄

𑁧-𑁩. 𑀅𑀪𑀺𑀜𑁆𑀜𑀸𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁫𑁪-𑁨𑁫𑁬. 𑀙𑀝𑁆𑀞𑀲𑁆𑀲 𑀧𑀞𑀫𑁂 𑀧𑀘𑁆𑀘𑀦𑀻𑀓𑀲𑀫𑀦𑀢𑁄 𑀲𑀫𑀣𑁄, 𑀲𑀫𑀸𑀥𑀻𑀢𑀺 𑀆𑀳 ‘‘𑀘𑀺𑀢𑁆𑀢𑁂𑀓𑀕𑁆𑀕𑀢𑀸’’𑀢𑀺. 𑀅𑀦𑀺𑀘𑁆𑀘𑀸𑀤𑀺𑀦𑀸 𑀯𑀺𑀯𑀺𑀥𑁂𑀦𑀸𑀓𑀸𑀭𑁂𑀦 𑀤𑀲𑁆𑀲𑀦𑀢𑁄 𑀯𑀺𑀧𑀲𑁆𑀲𑀦𑀸, 𑀲𑀗𑁆𑀔𑀸𑀭𑀧𑀭𑀺𑀕𑁆𑀕𑀸𑀳𑀓𑀜𑀸𑀡𑀁. 𑀢𑁂𑀦𑀸𑀳 ‘‘𑀲𑀗𑁆𑀔𑀸𑀭𑀧𑀭𑀺𑀕𑁆𑀕𑀳𑀯𑀺𑀧𑀲𑁆𑀲𑀦𑀸𑀜𑀸𑀡’’𑀦𑁆𑀢𑀺.

𑀤𑀼𑀢𑀺𑀬𑁂 𑀅𑀦𑀭𑀺𑀬𑁂𑀳𑀺 𑀧𑀭𑀺𑀬𑁂𑀲𑀺𑀢𑀩𑁆𑀩𑀢𑁆𑀢𑀸 𑀅𑀦𑀭𑀺𑀬𑀸𑀦𑀁 𑀧𑀭𑀺𑀬𑁂𑀲𑀦𑀸𑀢𑀺 𑀅𑀦𑀭𑀺𑀬𑀧𑀭𑀺𑀬𑁂𑀲𑀦𑀸. 𑀲𑀬𑀁 𑀮𑀸𑀫𑀓𑀢𑀸𑀬 𑀅𑀦𑀭𑀺𑀬𑀸𑀦𑀁 𑀧𑀭𑀺𑀬𑁂𑀲𑀦𑀸𑀢𑀺 𑀯𑀸 𑀅𑀦𑀭𑀺𑀬𑀧𑀭𑀺𑀬𑁂𑀲𑀦𑀸. 𑀚𑀭𑀸𑀲𑀪𑀸𑀯𑀦𑁆𑀢𑀺 𑀚𑀻𑀭𑀡𑀧𑀓𑀢𑀺𑀓𑀁. 𑀢𑀢𑀺𑀬𑀁 𑀉𑀢𑁆𑀢𑀸𑀦𑀫𑁂𑀯.

𑀅𑀪𑀺𑀜𑁆𑀜𑀸𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑁪-𑁧𑁦. 𑀫𑀸𑀮𑀼𑀓𑁆𑀬𑀧𑀼𑀢𑁆𑀢𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸

𑁨𑁫𑁭-𑁨𑁬𑁩. 𑀘𑀢𑀼𑀢𑁆𑀣𑁂 𑀅𑀧𑀲𑀸𑀤𑁂𑀢𑀻𑀢𑀺 𑀦𑀺𑀕𑁆𑀕𑀡𑁆𑀳𑀸𑀢𑀺. 𑀉𑀲𑁆𑀲𑀸𑀤𑁂𑀢𑀻𑀢𑀺 𑀧𑀕𑁆𑀕𑀡𑁆𑀳𑀸𑀢𑀺. 𑀅𑀧𑀲𑀸𑀤𑀦𑀸𑀓𑀸𑀭𑀁 𑀉𑀲𑁆𑀲𑀸𑀤𑀦𑀸𑀓𑀸𑀭𑀜𑁆𑀘 𑀯𑀺𑀪𑀸𑀯𑁂𑀢𑀼𑀁 ‘‘𑀓𑀣’’𑀦𑁆𑀢𑀺𑀆𑀤𑀺 𑀆𑀭𑀤𑁆𑀥𑀁. 𑀧𑀜𑁆𑀘𑀫𑀸𑀤𑀻𑀦𑀺 𑀉𑀢𑁆𑀢𑀸𑀦𑀸𑀦𑁂𑀯. 𑀲𑁂𑀲𑀁 𑀲𑀼𑀯𑀺𑀜𑁆𑀜𑁂𑀬𑁆𑀬𑀫𑁂𑀯.

𑀫𑀸𑀮𑀼𑀓𑁆𑀬𑀧𑀼𑀢𑁆𑀢𑀲𑀼𑀢𑁆𑀢𑀸𑀤𑀺𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀅𑀪𑀺𑀜𑁆𑀜𑀸𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀇𑀢𑀺 𑀫𑀦𑁄𑀭𑀣𑀧𑀽𑀭𑀡𑀺𑀬𑀸 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬-𑀅𑀝𑁆𑀞𑀓𑀣𑀸𑀬

𑀘𑀢𑀼𑀓𑁆𑀓𑀦𑀺𑀧𑀸𑀢𑀯𑀡𑁆𑀡𑀦𑀸𑀬 𑀅𑀦𑀼𑀢𑁆𑀢𑀸𑀦𑀢𑁆𑀣𑀤𑀻𑀧𑀦𑀸 𑀲𑀫𑀢𑁆𑀢𑀸.

𑀤𑀼𑀢𑀺𑀬𑁄 𑀪𑀸𑀕𑁄 𑀦𑀺𑀝𑁆𑀞𑀺𑀢𑁄.