𑁯. 𑀪𑀺𑀓𑁆𑀔𑀼𑀦𑀻𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁫𑁯. 𑀦𑀯𑀫𑁂 𑀏𑀯𑀁 𑀧𑀯𑀢𑁆𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀢𑀡𑁆𑀳𑀁 𑀦𑀺𑀲𑁆𑀲𑀸𑀬𑀸𑀢𑀺 ‘‘𑀓𑀼𑀤𑀸𑀲𑁆𑀲𑀼 𑀦𑀸𑀫𑀸𑀳𑀫𑁆𑀧𑀺 𑀆𑀲𑀯𑀸𑀦𑀁 𑀔𑀬𑀸’’𑀢𑀺𑀆𑀤𑀺𑀦𑀸 𑀦𑀬𑁂𑀦 𑀅𑀦𑀼𑀢𑁆𑀢𑀭𑁂 𑀯𑀺𑀫𑁄𑀓𑁆𑀔𑁂 𑀧𑀺𑀳𑀁 𑀉𑀧𑁆𑀧𑀸𑀤𑁂𑀦𑁆𑀢𑀲𑁆𑀲 𑀉𑀧𑁆𑀧𑀦𑁆𑀦𑀢𑀡𑁆𑀳𑀁 𑀦𑀺𑀲𑁆𑀲𑀸𑀬. 𑀓𑀣𑀁 𑀧𑀦 𑀮𑁄𑀓𑀼𑀢𑁆𑀢𑀭𑀥𑀫𑁆𑀫𑁂 𑀆𑀭𑀩𑁆𑀪 𑀆𑀲𑀸 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀦 𑀔𑁄 𑀧𑀦𑁂𑀢𑀁 𑀏𑀯𑀁 𑀤𑀝𑁆𑀞𑀩𑁆𑀩𑀁, 𑀦 𑀆𑀭𑀫𑁆𑀫𑀡𑀓𑀭𑀡𑀯𑀲𑁂𑀦 𑀢𑀢𑁆𑀣 𑀧𑀺𑀳𑀸 𑀧𑀯𑀢𑁆𑀢𑀢𑀺 𑀅𑀯𑀺𑀲𑀬𑀢𑁆𑀢𑀸 𑀧𑀼𑀕𑁆𑀕𑀮𑀲𑁆𑀲 𑀘 𑀅𑀦𑀥𑀺𑀕𑀢𑀪𑀸𑀯𑀢𑁄. 𑀅𑀦𑀼𑀲𑁆𑀲𑀯𑀽𑀧𑀮𑀤𑁆𑀥𑁂 𑀧𑀦 𑀅𑀦𑀼𑀢𑁆𑀢𑀭𑀯𑀺𑀫𑁄𑀓𑁆𑀔𑁂 𑀉𑀤𑁆𑀤𑀺𑀲𑁆𑀲 𑀧𑀺𑀳𑀁 𑀉𑀧𑁆𑀧𑀸𑀤𑁂𑀦𑁆𑀢𑁄 𑀢𑀢𑁆𑀣 𑀧𑀺𑀳𑀁 𑀉𑀧𑁆𑀧𑀸𑀤𑁂𑀢𑀺 𑀦𑀸𑀫. 𑀦𑀸𑀓𑀟𑁆𑀠𑀢𑀻𑀢𑀺 𑀓𑀫𑁆𑀫𑀧𑀣𑀪𑀸𑀯𑀁 𑀅𑀧𑁆𑀧𑀢𑁆𑀢𑀢𑀸𑀬 𑀧𑀝𑀺𑀲𑀦𑁆𑀥𑀺𑀁 𑀦 𑀤𑁂𑀢𑀺. 𑀲𑁂𑀲𑀁 𑀲𑀼𑀯𑀺𑀜𑁆𑀜𑁂𑀬𑁆𑀬𑀫𑁂𑀯.

𑀪𑀺𑀓𑁆𑀔𑀼𑀦𑀻𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.