𑁬. 𑀓𑀝𑀼𑀯𑀺𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁨𑁯. 𑀙𑀝𑁆𑀞𑁂 𑀕𑀸𑀯𑀻𑀦𑀁 𑀓𑀬𑀯𑀺𑀓𑁆𑀓𑀬𑀯𑀲𑁂𑀦 𑀬𑁄𑀕𑁄 𑀏𑀢𑁆𑀣𑀸𑀢𑀺 𑀕𑁄𑀬𑁄𑀕𑁄, 𑀓𑀬𑀯𑀺𑀓𑁆𑀓𑀬𑀁 𑀓𑀭𑁄𑀦𑁆𑀢𑁄 𑀕𑀸𑀯𑀻𑀳𑀺 𑀬𑀼𑀚𑁆𑀚𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀸 𑀕𑁄𑀬𑁄𑀕𑁄, 𑀕𑀸𑀯𑀻𑀦𑀁 𑀯𑀺𑀓𑁆𑀓𑀬𑀝𑁆𑀞𑀸𑀦𑀁. 𑀢𑀢𑁆𑀣 𑀚𑀸𑀢𑁄 𑀧𑀺𑀮𑀓𑁆𑀔𑀭𑀼𑀓𑁆𑀔𑁄 𑀕𑁄𑀬𑁄𑀕𑀧𑀺𑀮𑀓𑁆𑀔𑁄, 𑀢𑀲𑁆𑀫𑀺𑀁. 𑀲𑀫𑀻𑀧𑀢𑁆𑀣𑁂 𑀘𑁂𑀢𑀁 𑀪𑀼𑀫𑁆𑀫𑀯𑀘𑀦𑀁. 𑀢𑁂𑀦𑀸𑀳 ‘‘𑀕𑀸𑀯𑀻𑀦𑀁 𑀯𑀺𑀓𑁆𑀓𑀬𑀝𑁆𑀞𑀸𑀦𑁂 𑀉𑀝𑁆𑀞𑀺𑀢𑀧𑀺𑀮𑀓𑁆𑀔𑀲𑁆𑀲 𑀲𑀦𑁆𑀢𑀺𑀓𑁂’’𑀢𑀺. 𑀭𑀺𑀢𑁆𑀢𑁄 𑀅𑀲𑁆𑀲𑀸𑀤𑁄 𑀏𑀢𑀲𑁆𑀲𑀸𑀢𑀺 𑀭𑀺𑀢𑁆𑀢𑀲𑁆𑀲𑀸𑀤𑁄. 𑀢𑁂𑀦𑀸𑀳 ‘‘𑀛𑀸𑀦𑀲𑀼𑀔𑀸𑀪𑀸𑀯𑁂𑀦 𑀭𑀺𑀢𑁆𑀢𑀲𑁆𑀲𑀸𑀤’’𑀦𑁆𑀢𑀺. 𑀲𑁂𑀲𑀫𑁂𑀢𑁆𑀣 𑀉𑀢𑁆𑀢𑀸𑀦𑀫𑁂𑀯.

𑀓𑀝𑀼𑀯𑀺𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.