𑁩. 𑀢𑀧𑀦𑀻𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁩. 𑀢𑀢𑀺𑀬𑁂 𑀢𑀧𑀦𑀻𑀬𑀸𑀢𑀺 𑀏𑀢𑁆𑀣 𑀓𑀢𑁆𑀢𑀼𑀅𑀢𑁆𑀣𑁂 𑀅𑀦𑀻𑀬-𑀲𑀤𑁆𑀤𑁄𑀢𑀺 𑀆𑀳 ‘‘𑀢𑀧𑀦𑁆𑀢𑀻𑀢𑀺 𑀢𑀧𑀦𑀻𑀬𑀸’’𑀢𑀺. 𑀢𑀧𑀦𑁆𑀢𑀻𑀢𑀺 𑀯𑀺𑀩𑀸𑀥𑁂𑀦𑁆𑀢𑀺, 𑀯𑀺𑀳𑁂𑀞𑁂𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀢𑀧𑀦𑀁 𑀯𑀸 𑀤𑀼𑀓𑁆𑀔𑀁, 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀢𑀲𑁆𑀲 𑀉𑀧𑁆𑀧𑀸𑀤𑀦𑁂𑀦 𑀘𑁂𑀯 𑀅𑀦𑀼𑀩𑀮𑀧𑁆𑀧𑀤𑀸𑀦𑁂𑀦 𑀘 𑀳𑀺𑀢𑀸𑀢𑀺 𑀢𑀧𑀦𑀻𑀬𑀸. 𑀅𑀣 𑀯𑀸 𑀢𑀧𑀦𑁆𑀢𑀺 𑀢𑁂𑀦𑀸𑀢𑀺 𑀢𑀧𑀦𑀁, 𑀅𑀦𑀼𑀢𑀸𑀧𑁄, 𑀯𑀺𑀧𑁆𑀧𑀝𑀺𑀲𑀸𑀭𑁄𑀢𑀺 𑀅𑀢𑁆𑀣𑁄. 𑀢𑀲𑁆𑀲 𑀳𑁂𑀢𑀼𑀪𑀸𑀯𑀢𑁄 𑀳𑀺𑀢𑀸𑀢𑀺 𑀢𑀧𑀦𑀻𑀬𑀸. 𑀅𑀦𑀼𑀲𑁄𑀘𑀢𑀻𑀢𑀺 𑀯𑀺𑀧𑁆𑀧𑀝𑀺𑀲𑀸𑀭𑀻 𑀳𑀼𑀢𑁆𑀯𑀸 𑀓𑀢𑀸𑀓𑀢𑀁 𑀅𑀦𑀼𑀕𑀫𑁆𑀫 𑀲𑁄𑀘𑀢𑀺. 𑀲𑁄𑀘𑀦𑀜𑁆𑀳𑀺 𑀓𑀢𑀢𑁆𑀢𑀸 𑀘 𑀳𑁄𑀢𑀺 𑀅𑀓𑀢𑀢𑁆𑀢𑀸 𑀘. 𑀢𑀣𑀸 𑀘𑁂𑀯 𑀧𑀸𑀴𑀺𑀬𑀁 𑀯𑀺𑀪𑀢𑁆𑀢𑀁. 𑀦𑀦𑁆𑀤𑀬𑀓𑁆𑀔𑀸𑀤𑀻𑀦𑀁 𑀯𑀢𑁆𑀣𑀽𑀦𑀺 𑀧𑀸𑀓𑀝𑀸𑀦𑀻𑀢𑀺 𑀢𑀸𑀦𑀺 𑀅𑀤𑀲𑁆𑀲𑁂𑀢𑁆𑀯𑀸 𑀤𑁆𑀯𑁂𑀪𑀸𑀢𑀺𑀓𑀯𑀢𑁆𑀣𑀼𑀁 𑀤𑀲𑁆𑀲𑁂𑀦𑁆𑀢𑁄 ‘‘𑀢𑁂 𑀓𑀺𑀭𑀸’’𑀢𑀺 𑀆𑀤𑀺𑀫𑀸𑀳. 𑀢𑀢𑁆𑀣 𑀢𑁂𑀢𑀺 𑀤𑁆𑀯𑁂 𑀪𑀸𑀢𑀭𑁄. 𑀧𑀼𑀦 𑀓𑀺𑀁 𑀫𑀕𑁆𑀕𑀲𑀻𑀢𑀺 𑀧𑀼𑀦 𑀓𑀺𑀁 𑀇𑀘𑁆𑀙𑀲𑀺.

𑀢𑀧𑀦𑀻𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.