𑁧𑁫. 𑀭𑀸𑀲𑀺𑀲𑀗𑁆𑀕𑀳𑀓𑀣𑀸

𑁫𑁧𑁩. 𑀢𑁂𑀢𑁆𑀢𑀺𑀁𑀲 𑀘𑁂𑀯 𑀤𑁆𑀯𑀢𑁆𑀢𑀺𑀁𑀲, 𑀏𑀓𑀢𑀺𑀁𑀲 𑀘 𑀢𑀺𑀁𑀲 𑀘;

𑀏𑀓𑀤𑁆𑀯𑀢𑁆𑀢𑀺𑀁𑀲𑀳𑀻𑀦𑀸 𑀘, 𑀢𑀺𑀁𑀲 𑀥𑀫𑁆𑀫𑀸𑀦𑀯𑀚𑁆𑀚𑀓𑁂.

𑁫𑁧𑁪. 𑀤𑀲 𑀥𑀫𑁆𑀫𑀸 𑀢𑀼 𑀲𑀸𑀯𑀚𑁆𑀚𑁂, 𑀙𑀧𑀜𑁆𑀘𑀘𑀢𑀼𑀭𑀸𑀥𑀺𑀓𑀸;

𑀏𑀓𑀸𑀤𑀲 𑀤𑀲 𑀦𑀯, 𑀲𑀢𑁆𑀢𑀥𑀸𑀳𑁂𑀢𑀼𑀓𑁂 𑀧𑀦.

𑁫𑁧𑁫. 𑀇𑀢𑁆𑀣𑀁 𑀘𑀼𑀤𑁆𑀤𑀲𑀥𑀸 𑀪𑀺𑀦𑁆𑀦𑀸, 𑀓𑁄𑀝𑁆𑀞𑀸𑀲𑀸 𑀢𑀼 𑀲𑀭𑀽𑀧𑀢𑁄;

𑀯𑀺𑀪𑀢𑁆𑀢𑀸 𑀢𑁂𑀳𑀺 𑀬𑀼𑀢𑁆𑀢𑀸 𑀘, 𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑀬𑀣𑀸𑀓𑁆𑀓𑀫𑀁.

𑁫𑁧𑁬. 𑀢𑀺𑀓𑀝𑁆𑀞𑀓𑀸 𑀧𑀜𑁆𑀘𑀯𑀻𑀲, 𑀤𑀲 𑀧𑀜𑁆𑀘𑀸𑀥𑀺𑀓𑀸 𑀦𑀯;

𑀅𑀝𑁆𑀞𑀸𑀭𑀲𑁂𑀢𑀺 𑀲𑀢𑁆𑀢𑁂𑀢𑁂, 𑀅𑀦𑀯𑀚𑁆𑀚𑀸 𑀢𑀣𑁂𑀢𑀭𑁂.

𑁫𑁧𑁭. 𑀤𑁆𑀯𑁂 𑀘𑀢𑁆𑀢𑀸𑀭𑁄 𑀙𑀴𑁂𑀓𑀁 𑀤𑁆𑀯𑁂,

𑀧𑀜𑁆𑀘𑀸𑀣 𑀤𑀲𑀥𑀸𑀧𑀭𑁂;

𑀲𑀸𑀯𑀚𑁆𑀚𑀸𑀳𑁂𑀢𑀼𑀓𑀸 𑀘𑁂𑀢𑀺,

𑀓𑁄𑀝𑁆𑀞𑀸𑀲𑀸 𑀳𑁄𑀦𑁆𑀢𑀺 𑀘𑀼𑀤𑁆𑀤𑀲.

𑁫𑁧𑁮. 𑀦𑀯 𑀘𑀸𑀧𑀺 𑀙 𑀘𑀢𑁆𑀢𑀸𑀭𑁄, 𑀘𑀢𑀼𑀧𑀜𑁆𑀘𑀙𑀲𑀢𑁆𑀢𑀓𑀸;

𑀦𑀯 𑀤𑁆𑀯𑁂 𑀤𑁆𑀯𑁂 𑀢𑀣𑁂𑀓𑁄 𑀘, 𑀬𑁂𑀯𑀸𑀧𑀦𑀓𑀲𑀗𑁆𑀕𑀳𑀸.

𑁫𑁧𑁯. 𑀢𑁂𑀳𑀺 𑀬𑀼𑀢𑁆𑀢𑀸 𑀧𑀦𑀝𑁆𑀞𑀸𑀣, 𑀯𑀻𑀲𑁂𑀓𑀢𑀺𑀁𑀲 𑀫𑀸𑀦𑀲𑀸;

𑀤𑁆𑀯𑁂 𑀤𑁆𑀯𑁂 𑀤𑁆𑀯𑁂 𑀢𑀻𑀡𑀺 𑀘𑁂𑀓𑀁 𑀤𑁆𑀯𑁂, 𑀅𑀝𑁆𑀞 𑀤𑀲 𑀬𑀣𑀸𑀓𑁆𑀓𑀫𑀁.

𑁫𑁨𑁦. 𑀲𑀢𑁆𑀢𑀢𑀺𑀁𑀲𑀓𑀢𑁄 𑀬𑀸𑀯, 𑀏𑀓𑀢𑀺𑀁𑀲𑀸𑀦𑀯𑀚𑁆𑀚𑀓𑁂;

𑀢𑀺𑀓𑀝𑁆𑀞𑀓𑀸𑀤𑀺𑀓𑁂 𑀲𑀢𑁆𑀢, 𑀞𑀺𑀢𑀸 𑀦𑀺𑀬𑀢𑀲𑀗𑁆𑀕𑀳𑀸.

𑁫𑁨𑁧. 𑀧𑀸𑀧𑁂𑀲𑀼 𑀯𑀻𑀲 𑀘𑁂𑀓𑀽𑀦-𑀯𑀻𑀲𑀝𑁆𑀞𑀸𑀭𑀲 𑀲𑁄𑀴𑀲;

𑀘𑀢𑀼𑀥𑀸 𑀤𑁆𑀯𑀻𑀲𑀼 𑀘𑀢𑀽𑀲𑀼, 𑀘𑀢𑀽𑀲𑀼 𑀤𑁆𑀯𑀻𑀲𑀼 𑀘𑀝𑁆𑀞𑀺𑀢𑀸.

𑁫𑁨𑁨. 𑀏𑀓𑀤𑁆𑀯𑀺𑀧𑀜𑁆𑀘𑀤𑀲𑀲𑀼, 𑀘 𑀤𑁆𑀯𑀺𑀥𑀸𑀳𑁂𑀢𑀼𑀓𑁂𑀲𑀼 𑀘;

𑀢𑀺𑀓𑀤𑁆𑀯𑁂𑀓𑀸𑀥𑀺𑀓𑀸 𑀥𑀫𑁆𑀫𑀸, 𑀤𑀲𑀝𑁆𑀞 𑀘 𑀬𑀣𑀸𑀓𑁆𑀓𑀫𑀁.

𑁫𑁨𑁩. 𑀧𑀜𑁆𑀘𑀤𑁆𑀯𑁂𑀓𑀤𑁆𑀯𑀺𑀪𑀺𑀧𑀜𑁆𑀘, 𑀓𑁄𑀝𑁆𑀞𑀸𑀲𑀸 𑀦𑀺𑀬𑀢𑀸 𑀞𑀺𑀢𑀸;

𑀢𑁂𑀳𑀺 𑀬𑀼𑀢𑁆𑀢𑀸 𑀧𑀦𑀝𑁆𑀞𑀸𑀣, 𑀯𑀻𑀲 𑀤𑁆𑀯𑁂 𑀤𑁆𑀯𑁂 𑀢𑀺𑀓𑁂𑀓𑀓𑀸.

𑁫𑁨𑁪. 𑀧𑀼𑀩𑁆𑀩𑀸𑀧𑀭𑀤𑁆𑀯𑀬𑀸𑀧𑀼𑀜𑁆𑀜𑁂, 𑀓𑀸𑀫𑀧𑀸𑀓𑁂 𑀅𑀳𑁂𑀢𑀼𑀓𑁂;

𑀧𑀜𑁆𑀘𑀫𑀸𑀦𑀼𑀢𑁆𑀢𑀭𑀸𑀭𑀼𑀧𑁆𑀧𑁂, 𑀦𑀢𑁆𑀣𑀸𑀦𑀺𑀬𑀢𑀲𑀫𑁆𑀪𑀯𑁄.

𑁫𑁨𑁫. 𑀙𑀢𑁆𑀢𑀺𑀁𑀲𑀫𑀸𑀦𑀲𑁂𑀲𑁆𑀯𑁂𑀯, 𑀮𑀩𑁆𑀪𑀦𑁆𑀢𑀸𑀦𑀺𑀬𑀢𑀸 𑀦 𑀯𑀸;

𑀢𑁂𑀧𑀜𑁆𑀜𑀸𑀲𑀸𑀯𑀲𑁂𑀲𑀸 𑀢𑀼, 𑀲𑀩𑁆𑀩𑁂 𑀦𑀺𑀬𑀢𑀬𑁄𑀕𑀺𑀦𑁄.

𑁫𑁨𑁬. 𑀦𑀺𑀬𑀢𑀸𑀦𑀺𑀬𑀢𑁂 𑀓𑀢𑁆𑀯𑀸, 𑀮𑀩𑁆𑀪𑀦𑁆𑀢𑁄𑀪𑀬𑀣𑀸 𑀢𑀣𑀸;

𑀲𑀭𑀽𑀧𑀬𑁂𑀯𑁄𑀪𑀬𑀓𑀸, 𑀢𑀺𑀯𑀺𑀥𑁂𑀯𑀁 𑀢𑀼 𑀲𑀗𑁆𑀕𑀳𑀸.

𑁫𑁨𑁭. 𑀜𑁂𑀬𑁆𑀬𑀸 𑀯𑀼𑀢𑁆𑀢𑀸𑀦𑀼𑀲𑀸𑀭𑁂𑀦, 𑀢𑁂𑀳𑀺 𑀬𑀼𑀢𑁆𑀢𑀸𑀯 𑀫𑀸𑀦𑀲𑀸;

𑀢𑀢𑁄 𑀧𑀼𑀦 𑀯𑀺𑀪𑀸𑀯𑁂𑀬𑁆𑀬, 𑀲𑀩𑁆𑀩𑀲𑀗𑁆𑀕𑀸𑀳𑀺𑀓𑀁 𑀦𑀬𑀁.

𑁫𑁨𑁮. 𑀏𑀓𑀽𑀦𑀢𑀸𑀮𑀻𑀲𑀓𑀢𑁄, 𑀬𑀸𑀯𑁂𑀓𑀢𑁆𑀢𑀺𑀁𑀲𑀓𑀸 𑀞𑀺𑀢𑀸;

𑀦𑀯𑀥𑀸 𑀅𑀦𑀯𑀚𑁆𑀚𑁂𑀲𑀼, 𑀢𑁂𑀳𑀺 𑀬𑀼𑀢𑁆𑀢𑀸 𑀘 𑀫𑀸𑀦𑀲𑀸.

𑁫𑁨𑁯. 𑀤𑁆𑀯𑁂 𑀘𑀢𑁆𑀢𑀸𑀭𑁄 𑀤𑀲𑁂𑀯𑀸𑀣, 𑀢𑀺𑀓𑀧𑀜𑁆𑀘𑀸𑀥𑀺𑀓𑀸 𑀤𑀲;

𑀢𑁂𑀯𑀻𑀲 𑀓𑀫𑀢𑁄 𑀲𑀢𑁆𑀢, 𑀤𑁆𑀯𑁂 𑀘 𑀧𑀜𑁆𑀘𑀤𑀲𑀸𑀧𑀭𑁂.

𑁫𑁩𑁦. 𑀤𑁆𑀯𑁂 𑀘 𑀤𑁆𑀯𑁂 𑀢𑀺𑀓𑀤𑁆𑀯𑁂 𑀤𑁆𑀯𑁂𑀓𑀸, 𑀲𑀸𑀯𑀚𑁆𑀚𑁂𑀲𑀼 𑀘 𑀲𑁄𑀴𑀲;

𑀏𑀓𑀽𑀦𑀯𑀻𑀲 𑀯𑀻𑀲𑀸𑀣, 𑀯𑀻𑀲𑁂𑀓𑀤𑁆𑀯𑀺𑀢𑀬𑀸𑀥𑀺𑀓𑀸.

𑁫𑁩𑁧. 𑀅𑀳𑁂𑀢𑀼𑀓𑁂 𑀧𑀦𑀝𑁆𑀞𑀸𑀣, 𑀤𑀲𑁂𑀓𑀤𑁆𑀯𑀺𑀢𑀬𑀸𑀥𑀺𑀓𑀸;

𑀤𑀲𑀧𑀜𑁆𑀘 𑀤𑁆𑀯𑀺𑀓𑁂𑀓𑀸𑀢𑀺, 𑀪𑀯𑀦𑁆𑀢𑁂𑀓𑀽𑀦𑀯𑀻𑀲𑀢𑀺.

𑁫𑁩𑁨. 𑀮𑀩𑁆𑀪𑀫𑀸𑀦𑀸𑀦𑀼𑀲𑀸𑀭𑁂𑀦, 𑀥𑀫𑁆𑀫𑀸𑀦𑀁 𑀧𑀦 𑀲𑀗𑁆𑀕𑀳𑁄;

𑀲𑀓𑁆𑀓𑀸 𑀯𑀼𑀢𑁆𑀢𑀦𑀬𑁂𑀦𑁂𑀯, 𑀯𑀺𑀜𑁆𑀜𑀸𑀢𑀼𑀁 𑀧𑀦 𑀯𑀺𑀜𑁆𑀜𑀼𑀦𑀸𑀢𑀺.

𑀇𑀢𑀺 𑀘𑁂𑀢𑀲𑀺𑀓𑀯𑀺𑀪𑀸𑀕𑁂 𑀭𑀸𑀲𑀺𑀲𑀗𑁆𑀕𑀳𑀓𑀣𑀸 𑀦𑀺𑀝𑁆𑀞𑀺𑀢𑀸.

𑀧𑀦𑁆𑀦𑀭𑀲𑀫𑁄 𑀧𑀭𑀺𑀘𑁆𑀙𑁂𑀤𑁄.