𑁨. 𑀯𑀺𑀭𑀤𑁆𑀥𑀲𑀼𑀢𑁆𑀢𑀁

𑁮𑁧𑁪. ‘‘𑀬𑁂𑀲𑀁 𑀓𑁂𑀲𑀜𑁆𑀘𑀺, 𑀪𑀺𑀓𑁆𑀔𑀯𑁂, 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀯𑀺𑀭𑀤𑁆𑀥𑀸, 𑀯𑀺𑀭𑀤𑁆𑀥𑁄 𑀢𑁂𑀲𑀁 𑀅𑀭𑀺𑀬𑁄 𑀫𑀕𑁆𑀕𑁄 𑀲𑀫𑁆𑀫𑀸 𑀤𑀼𑀓𑁆𑀔𑀓𑁆𑀔𑀬𑀕𑀸𑀫𑀻. 𑀬𑁂𑀲𑀁 𑀓𑁂𑀲𑀜𑁆𑀘𑀺, 𑀪𑀺𑀓𑁆𑀔𑀯𑁂, 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀆𑀭𑀤𑁆𑀥𑀸, 𑀆𑀭𑀤𑁆𑀥𑁄 𑀢𑁂𑀲𑀁 𑀅𑀭𑀺𑀬𑁄 𑀫𑀕𑁆𑀕𑁄 𑀲𑀫𑁆𑀫𑀸 𑀤𑀼𑀓𑁆𑀔𑀓𑁆𑀔𑀬𑀕𑀸𑀫𑀻. 𑀓𑀢𑀫𑁂 𑀘𑀢𑁆𑀢𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀙𑀦𑁆𑀤𑀲𑀫𑀸𑀥𑀺𑀧𑁆𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺, 𑀯𑀻𑀭𑀺𑀬𑀲𑀫𑀸𑀥𑀺…𑀧𑁂… 𑀘𑀺𑀢𑁆𑀢𑀲𑀫𑀸𑀥𑀺…𑀧𑁂… 𑀯𑀻𑀫𑀁𑀲𑀸𑀲𑀫𑀸𑀥𑀺𑀧𑁆𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺. 𑀬𑁂𑀲𑀁 𑀓𑁂𑀲𑀜𑁆𑀘𑀺, 𑀪𑀺𑀓𑁆𑀔𑀯𑁂, 𑀇𑀫𑁂 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀯𑀺𑀭𑀤𑁆𑀥𑀸, 𑀯𑀺𑀭𑀤𑁆𑀥𑁄 𑀢𑁂𑀲𑀁 𑀅𑀭𑀺𑀬𑁄 𑀫𑀕𑁆𑀕𑁄 𑀲𑀫𑁆𑀫𑀸 𑀤𑀼𑀓𑁆𑀔𑀓𑁆𑀔𑀬𑀕𑀸𑀫𑀻. 𑀬𑁂𑀲𑀁 𑀓𑁂𑀲𑀜𑁆𑀘𑀺, 𑀪𑀺𑀓𑁆𑀔𑀯𑁂, 𑀇𑀫𑁂 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀆𑀭𑀤𑁆𑀥𑀸, 𑀆𑀭𑀤𑁆𑀥𑁄 𑀢𑁂𑀲𑀁 𑀅𑀭𑀺𑀬𑁄 𑀫𑀕𑁆𑀕𑁄 𑀲𑀫𑁆𑀫𑀸 𑀤𑀼𑀓𑁆𑀔𑀓𑁆𑀔𑀬𑀕𑀸𑀫𑀻’’𑀢𑀺. 𑀤𑀼𑀢𑀺𑀬𑀁.