𑁧𑁦. 𑀆𑀲𑀯𑀲𑀼𑀢𑁆𑀢𑀁

𑁪𑁧𑁬. ‘‘𑀢𑀬𑁄𑀫𑁂, 𑀪𑀺𑀓𑁆𑀔𑀯𑁂 𑀆𑀲𑀯𑀸. 𑀓𑀢𑀫𑁂 𑀢𑀬𑁄? 𑀓𑀸𑀫𑀸𑀲𑀯𑁄, 𑀪𑀯𑀸𑀲𑀯𑁄, 𑀅𑀯𑀺𑀚𑁆𑀚𑀸𑀲𑀯𑁄 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀢𑀬𑁄 𑀆𑀲𑀯𑀸. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀢𑀺𑀡𑁆𑀡𑀦𑁆𑀦𑀁 𑀆𑀲𑀯𑀸𑀦𑀁 𑀧𑀳𑀸𑀦𑀸𑀬 𑀘𑀢𑁆𑀢𑀸𑀭𑁄 𑀲𑀢𑀺𑀧𑀝𑁆𑀞𑀸𑀦𑀸 𑀪𑀸𑀯𑁂𑀢𑀩𑁆𑀩𑀸.

‘‘𑀓𑀢𑀫𑁂 𑀘𑀢𑁆𑀢𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺 𑀆𑀢𑀸𑀧𑀻 𑀲𑀫𑁆𑀧𑀚𑀸𑀦𑁄 𑀲𑀢𑀺𑀫𑀸, 𑀯𑀺𑀦𑁂𑀬𑁆𑀬 𑀮𑁄𑀓𑁂 𑀅𑀪𑀺𑀚𑁆𑀛𑀸𑀤𑁄𑀫𑀦𑀲𑁆𑀲𑀁; 𑀯𑁂𑀤𑀦𑀸𑀲𑀼…𑀧𑁂… 𑀘𑀺𑀢𑁆𑀢𑁂…𑀧𑁂… 𑀥𑀫𑁆𑀫𑁂𑀲𑀼 𑀥𑀫𑁆𑀫𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺 𑀆𑀢𑀸𑀧𑀻 𑀲𑀫𑁆𑀧𑀚𑀸𑀦𑁄 𑀲𑀢𑀺𑀫𑀸, 𑀯𑀺𑀦𑁂𑀬𑁆𑀬 𑀮𑁄𑀓𑁂 𑀅𑀪𑀺𑀚𑁆𑀛𑀸𑀤𑁄𑀫𑀦𑀲𑁆𑀲𑀁. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀢𑀺𑀡𑁆𑀡𑀦𑁆𑀦𑀁 𑀆𑀲𑀯𑀸𑀦𑀁 𑀧𑀳𑀸𑀦𑀸𑀬 𑀇𑀫𑁂 𑀘𑀢𑁆𑀢𑀸𑀭𑁄 𑀲𑀢𑀺𑀧𑀝𑁆𑀞𑀸𑀦𑀸 𑀪𑀸𑀯𑁂𑀢𑀩𑁆𑀩𑀸’’𑀢𑀺. 𑀤𑀲𑀫𑀁.

𑀅𑀫𑀢𑀯𑀕𑁆𑀕𑁄 𑀧𑀜𑁆𑀘𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀅𑀫𑀢𑀁 𑀲𑀫𑀼𑀤𑀬𑁄 𑀫𑀕𑁆𑀕𑁄, 𑀲𑀢𑀺 𑀓𑀼𑀲𑀮𑀭𑀸𑀲𑀺 𑀘;

𑀧𑀸𑀢𑀺𑀫𑁄𑀓𑁆𑀔𑀁 𑀤𑀼𑀘𑁆𑀘𑀭𑀺𑀢𑀁, 𑀫𑀺𑀢𑁆𑀢𑀯𑁂𑀤𑀦𑀸 𑀆𑀲𑀯𑁂𑀦 𑀘𑀸𑀢𑀺.