𑁯. 𑀢𑀢𑀺𑀬𑀆𑀫𑀓𑀥𑀜𑁆𑀜𑀧𑁂𑀬𑁆𑀬𑀸𑀮𑀯𑀕𑁆𑀕𑁄

𑁧. 𑀦𑀘𑁆𑀘𑀕𑀻𑀢𑀲𑀼𑀢𑁆𑀢𑀁

𑁧𑁧𑁫𑁧. …𑀧𑁂….

‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀦𑀘𑁆𑀘𑀕𑀻𑀢𑀯𑀸𑀤𑀺𑀢𑀯𑀺𑀲𑀽𑀓𑀤𑀲𑁆𑀲𑀦𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀦𑀘𑁆𑀘𑀕𑀻𑀢𑀯𑀸𑀤𑀺𑀢𑀯𑀺𑀲𑀽𑀓𑀤𑀲𑁆𑀲𑀦𑀸 𑀅𑀧𑁆𑀧𑀝𑀺𑀯𑀺𑀭𑀢𑀸. 𑀢𑀁 𑀓𑀺𑀲𑁆𑀲 𑀳𑁂𑀢𑀼…𑀧𑁂…. 𑀧𑀞𑀫𑀁.

𑁨. 𑀉𑀘𑁆𑀘𑀸𑀲𑀬𑀦𑀲𑀼𑀢𑁆𑀢𑀁

𑁧𑁧𑁫𑁨. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀤𑀼𑀢𑀺𑀬𑀁.

𑁩. 𑀚𑀸𑀢𑀭𑀽𑀧𑀭𑀚𑀢𑀲𑀼𑀢𑁆𑀢𑀁

𑁧𑁧𑁫𑁩. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀚𑀸𑀢𑀭𑀽𑀧𑀭𑀚𑀢𑀧𑀝𑀺𑀕𑁆𑀕𑀳𑀡𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀚𑀸𑀢𑀭𑀽𑀧𑀭𑀚𑀢𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀢𑀢𑀺𑀬𑀁.

𑁪. 𑀆𑀫𑀓𑀥𑀜𑁆𑀜𑀲𑀼𑀢𑁆𑀢𑀁

𑁧𑁧𑁫𑁪. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀆𑀫𑀓𑀥𑀜𑁆𑀜𑀧𑀝𑀺𑀕𑁆𑀕𑀳𑀡𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀆𑀫𑀓𑀥𑀜𑁆𑀜𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀘𑀢𑀼𑀢𑁆𑀣𑀁.

𑁫. 𑀆𑀫𑀓𑀫𑀁𑀲𑀲𑀼𑀢𑁆𑀢𑀁

𑁧𑁧𑁫𑁫. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀆𑀫𑀓𑀫𑀁𑀲𑀧𑀝𑀺𑀕𑁆𑀕𑀳𑀡𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀆𑀫𑀓𑀫𑀁𑀲𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀧𑀜𑁆𑀘𑀫𑀁.

𑁬. 𑀓𑀼𑀫𑀸𑀭𑀺𑀓𑀲𑀼𑀢𑁆𑀢𑀁

𑁧𑁧𑁫𑁬. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀇𑀢𑁆𑀣𑀺𑀓𑀼𑀫𑀸𑀭𑀺𑀓𑀧𑀝𑀺𑀕𑁆𑀕𑀳𑀡𑀸 [𑀇𑀢𑁆𑀣𑀺𑀓𑀼𑀫𑀸𑀭𑀺𑀓𑀸𑀧𑀝𑀺𑀕𑁆𑀕𑀳𑀡𑀸 (𑀓.)] 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀇𑀢𑁆𑀣𑀺𑀓𑀼𑀫𑀸𑀭𑀺𑀓𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀙𑀝𑁆𑀞𑀁.

𑁭. 𑀤𑀸𑀲𑀺𑀤𑀸𑀲𑀲𑀼𑀢𑁆𑀢𑀁

𑁧𑁧𑁫𑁭. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀤𑀸𑀲𑀺𑀤𑀸𑀲𑀧𑀝𑀺𑀕𑁆𑀕𑀳𑀡𑀸 [𑀤𑀸𑀲𑀻𑀤𑀸𑀲𑀧𑀝𑀺𑀕𑁆𑀕𑀳𑀡𑀸 (𑀲𑁆𑀬𑀸. 𑀓𑀁. 𑀧𑀻.)] 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀤𑀸𑀲𑀺𑀤𑀸𑀲𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀲𑀢𑁆𑀢𑀫𑀁.

𑁮. 𑀅𑀚𑁂𑀴𑀓𑀲𑀼𑀢𑁆𑀢𑀁

𑁧𑁧𑁫𑁮. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀅𑀚𑁂𑀴𑀓𑀧𑀝𑀺𑀕𑁆𑀕𑀳𑀡𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀅𑀚𑁂𑀴𑀓𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀅𑀝𑁆𑀞𑀫𑀁.

𑁯. 𑀓𑀼𑀓𑁆𑀓𑀼𑀝𑀲𑀽𑀓𑀭𑀲𑀼𑀢𑁆𑀢𑀁

𑁧𑁧𑁫𑁯. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀓𑀼𑀓𑁆𑀓𑀼𑀝𑀲𑀽𑀓𑀭𑀧𑀝𑀺𑀕𑁆𑀕𑀳𑀡𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀓𑀼𑀓𑁆𑀓𑀼𑀝𑀲𑀽𑀓𑀭𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀦𑀯𑀫𑀁.

𑁧𑁦. 𑀳𑀢𑁆𑀣𑀺𑀕𑀯𑀲𑁆𑀲𑀲𑀼𑀢𑁆𑀢𑀁

𑁧𑁧𑁬𑁦. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀳𑀢𑁆𑀣𑀺𑀕𑀯𑀲𑁆𑀲𑀯𑀴𑀯𑀧𑀝𑀺𑀕𑁆𑀕𑀳𑀡𑀸 [𑀳𑀢𑁆𑀣𑀺𑀕𑀯𑀲𑁆𑀲𑀯𑀴𑀯𑀸𑀧𑀝𑀺𑀕𑁆𑀕𑀳𑀡𑀸 (𑀲𑁆𑀬𑀸. 𑀓𑀁. 𑀧𑀻. 𑀓.)] 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀳𑀢𑁆𑀣𑀺𑀕𑀯𑀲𑁆𑀲𑀯𑀴𑀯𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀤𑀲𑀫𑀁.

𑀢𑀢𑀺𑀬𑀆𑀫𑀓𑀥𑀜𑁆𑀜𑀧𑁂𑀬𑁆𑀬𑀸𑀮𑀯𑀕𑁆𑀕𑁄 𑀦𑀯𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀦𑀘𑁆𑀘𑀁 𑀲𑀬𑀦𑀁 𑀭𑀚𑀢𑀁, 𑀥𑀜𑁆𑀜𑀁 𑀫𑀁𑀲𑀁 𑀓𑀼𑀫𑀸𑀭𑀺𑀓𑀸;

𑀤𑀸𑀲𑀻 𑀅𑀚𑁂𑀴𑀓𑀜𑁆𑀘𑁂𑀯, 𑀓𑀼𑀓𑁆𑀓𑀼𑀝𑀲𑀽𑀓𑀭𑀳𑀢𑁆𑀣𑀻𑀢𑀺.