𑁧𑁦. 𑀘𑀢𑀼𑀢𑁆𑀣𑀆𑀫𑀓𑀥𑀜𑁆𑀜𑀧𑁂𑀬𑁆𑀬𑀸𑀮𑀯𑀕𑁆𑀕𑁄

𑁧. 𑀔𑁂𑀢𑁆𑀢𑀯𑀢𑁆𑀣𑀼𑀲𑀼𑀢𑁆𑀢𑀁

𑁧𑁧𑁬𑁧. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀔𑁂𑀢𑁆𑀢𑀯𑀢𑁆𑀣𑀼𑀧𑀝𑀺𑀕𑁆𑀕𑀳𑀡𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀔𑁂𑀢𑁆𑀢𑀯𑀢𑁆𑀣𑀼𑀧𑀝𑀺𑀕𑁆𑀕𑀳𑀡𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀧𑀞𑀫𑀁.

𑁨. 𑀓𑀬𑀯𑀺𑀓𑁆𑀓𑀬𑀲𑀼𑀢𑁆𑀢𑀁

𑁧𑁧𑁬𑁨. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀓𑀬𑀯𑀺𑀓𑁆𑀓𑀬𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀓𑀬𑀯𑀺𑀓𑁆𑀓𑀬𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀤𑀼𑀢𑀺𑀬𑀁.

𑁩. 𑀤𑀽𑀢𑁂𑀬𑁆𑀬𑀲𑀼𑀢𑁆𑀢𑀁

𑁧𑁧𑁬𑁩. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀤𑀽𑀢𑁂𑀬𑁆𑀬𑀧𑀳𑀺𑀦𑀕𑀫𑀦𑀸𑀦𑀼𑀬𑁄𑀕𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀤𑀽𑀢𑁂𑀬𑁆𑀬𑀧𑀳𑀺𑀦𑀕𑀫𑀦𑀸𑀦𑀼𑀬𑁄𑀕𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀢𑀢𑀺𑀬𑀁.

𑁪. 𑀢𑀼𑀮𑀸𑀓𑀽𑀝𑀲𑀼𑀢𑁆𑀢𑀁

𑁧𑁧𑁬𑁪. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀢𑀼𑀮𑀸𑀓𑀽𑀝𑀓𑀁𑀲𑀓𑀽𑀝𑀫𑀸𑀦𑀓𑀽𑀝𑀸 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀢𑀼𑀮𑀸𑀓𑀽𑀝𑀓𑀁𑀲𑀓𑀽𑀝𑀫𑀸𑀦𑀓𑀽𑀝𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀘𑀢𑀼𑀢𑁆𑀣𑀁.

𑁫. 𑀉𑀓𑁆𑀓𑁄𑀝𑀦𑀲𑀼𑀢𑁆𑀢𑀁

𑁧𑁧𑁬𑁫. …𑀧𑁂… ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀉𑀓𑁆𑀓𑁄𑀝𑀦𑀯𑀜𑁆𑀘𑀦𑀦𑀺𑀓𑀢𑀺𑀲𑀸𑀘𑀺𑀬𑁄𑀕𑀸 [𑀉𑀓𑁆𑀓𑁄𑀝𑀦𑀯𑀜𑁆𑀘𑀦𑀦𑀺𑀓𑀢𑀺𑀲𑀸𑀯𑀺𑀬𑁄𑀕𑀸 (𑀲𑁆𑀬𑀸. 𑀓𑀁. 𑀧𑀻. 𑀓.)] 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀉𑀓𑁆𑀓𑁄𑀝𑀦𑀯𑀜𑁆𑀘𑀦𑀦𑀺𑀓𑀢𑀺𑀲𑀸𑀘𑀺𑀬𑁄𑀕𑀸 𑀅𑀧𑁆𑀧𑀝𑀺𑀯𑀺𑀭𑀢𑀸…𑀧𑁂…. 𑀧𑀜𑁆𑀘𑀫𑀁.

𑁬-𑁧𑁧. 𑀙𑁂𑀤𑀦𑀸𑀤𑀺𑀲𑀼𑀢𑁆𑀢𑀁

𑁧𑁧𑁬𑁬-𑁧𑁧𑁭𑁧. …𑀧𑁂… 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀙𑁂𑀤𑀦𑀯𑀥𑀩𑀦𑁆𑀥𑀦𑀯𑀺𑀧𑀭𑀸𑀫𑁄𑀲𑀆𑀮𑁄𑀧𑀲𑀳𑀲𑀸𑀓𑀸𑀭𑀸 [𑀲𑀸𑀳𑀲𑀸𑀓𑀸𑀭𑀸 (𑀓.)] 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀙𑁂𑀤𑀦𑀯𑀥𑀩𑀦𑁆𑀥𑀦𑀯𑀺𑀧𑀭𑀸𑀫𑁄𑀲𑀆𑀮𑁄𑀧𑀲𑀳𑀲𑀸𑀓𑀸𑀭𑀸 𑀅𑀧𑁆𑀧𑀝𑀺𑀯𑀺𑀭𑀢𑀸. 𑀢𑀁 𑀓𑀺𑀲𑁆𑀲 𑀳𑁂𑀢𑀼? 𑀅𑀤𑀺𑀝𑁆𑀞𑀢𑁆𑀢𑀸 𑀪𑀺𑀓𑁆𑀔𑀯𑁂, 𑀘𑀢𑀼𑀦𑁆𑀦𑀁 𑀅𑀭𑀺𑀬𑀲𑀘𑁆𑀘𑀸𑀦𑀁. 𑀓𑀢𑀫𑁂𑀲𑀁 𑀘𑀢𑀼𑀦𑁆𑀦𑀁? 𑀤𑀼𑀓𑁆𑀔𑀲𑁆𑀲 𑀅𑀭𑀺𑀬𑀲𑀘𑁆𑀘𑀲𑁆𑀲…𑀧𑁂… 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀺𑀬𑀸 𑀧𑀝𑀺𑀧𑀤𑀸𑀬 𑀅𑀭𑀺𑀬𑀲𑀘𑁆𑀘𑀲𑁆𑀲’’.

‘‘𑀢𑀲𑁆𑀫𑀸𑀢𑀺𑀳, 𑀪𑀺𑀓𑁆𑀔𑀯𑁂, ‘𑀇𑀤𑀁 𑀤𑀼𑀓𑁆𑀔’𑀦𑁆𑀢𑀺 𑀬𑁄𑀕𑁄 𑀓𑀭𑀡𑀻𑀬𑁄…𑀧𑁂… ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸’𑀢𑀺 𑀬𑁄𑀕𑁄 𑀓𑀭𑀡𑀻𑀬𑁄’’𑀢𑀺. 𑀏𑀓𑀸𑀤𑀲𑀫𑀁.

𑀘𑀢𑀼𑀢𑁆𑀣𑀆𑀫𑀓𑀥𑀜𑁆𑀜𑀧𑁂𑀬𑁆𑀬𑀸𑀮𑀯𑀕𑁆𑀕𑁄 𑀤𑀲𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀔𑁂𑀢𑁆𑀢𑀁 𑀓𑀸𑀬𑀁 𑀤𑀽𑀢𑁂𑀬𑁆𑀬𑀜𑁆𑀘, 𑀢𑀼𑀮𑀸𑀓𑀽𑀝𑀁 𑀉𑀓𑁆𑀓𑁄𑀝𑀦𑀁;

𑀙𑁂𑀤𑀦𑀁 𑀯𑀥𑀩𑀦𑁆𑀥𑀦𑀁, 𑀯𑀺𑀧𑀭𑀸𑀮𑁄𑀧𑀁 𑀲𑀸𑀳𑀲𑀦𑁆𑀢𑀺.