𑁬. 𑀤𑀼𑀢𑀺𑀬𑀫𑀳𑀸𑀧𑀣𑀯𑀻𑀲𑀼𑀢𑁆𑀢𑀁

𑁧𑁧𑁨𑁬. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀫𑀳𑀸𑀧𑀣𑀯𑀻 𑀧𑀭𑀺𑀓𑁆𑀔𑀬𑀁 𑀧𑀭𑀺𑀬𑀸𑀤𑀸𑀦𑀁 𑀕𑀘𑁆𑀙𑁂𑀬𑁆𑀬 𑀞𑀧𑁂𑀢𑁆𑀯𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸. 𑀢𑀁 𑀓𑀺𑀁 𑀫𑀜𑁆𑀜𑀣, 𑀪𑀺𑀓𑁆𑀔𑀯𑁂, 𑀓𑀢𑀫𑀁 𑀦𑀼 𑀔𑁄 𑀩𑀳𑀼𑀢𑀭𑀁 𑁋 𑀬𑀁 𑀯𑀸 𑀫𑀳𑀸𑀧𑀣𑀯𑀺𑀬𑀸 𑀧𑀭𑀺𑀓𑁆𑀔𑀻𑀡𑀁 𑀧𑀭𑀺𑀬𑀸𑀤𑀺𑀦𑁆𑀦𑀁, 𑀬𑀸 𑀯𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀅𑀯𑀲𑀺𑀝𑁆𑀞𑀸’’𑀢𑀺? ‘‘𑀏𑀢𑀤𑁂𑀯, 𑀪𑀦𑁆𑀢𑁂, 𑀩𑀳𑀼𑀢𑀭𑀁 𑀫𑀳𑀸𑀧𑀣𑀯𑀺𑀬𑀸 𑀬𑀤𑀺𑀤𑀁 𑀧𑀭𑀺𑀓𑁆𑀔𑀻𑀡𑀁 𑀧𑀭𑀺𑀬𑀸𑀤𑀺𑀦𑁆𑀦𑀁; 𑀅𑀧𑁆𑀧𑀫𑀢𑁆𑀢𑀺𑀓𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀅𑀯𑀲𑀺𑀝𑁆𑀞𑀸. 𑀲𑀗𑁆𑀔𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺, 𑀉𑀧𑀦𑀺𑀥𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺, 𑀓𑀮𑀪𑀸𑀕𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺 𑀫𑀳𑀸𑀧𑀣𑀯𑀺𑀬𑀸 𑀧𑀭𑀺𑀓𑁆𑀔𑀻𑀡𑀁 𑀧𑀭𑀺𑀬𑀸𑀤𑀺𑀦𑁆𑀦𑀁 𑀉𑀧𑀦𑀺𑀥𑀸𑀬 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀅𑀯𑀲𑀺𑀝𑁆𑀞𑀸’’𑀢𑀺. ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲…𑀧𑁂… 𑀬𑁄𑀕𑁄 𑀓𑀭𑀡𑀻𑀬𑁄’’𑀢𑀺. 𑀙𑀝𑁆𑀞𑀁.