𑁭. 𑀧𑀞𑀫𑀫𑀳𑀸𑀲𑀫𑀼𑀤𑁆𑀤𑀲𑀼𑀢𑁆𑀢𑀁

𑁧𑁧𑁨𑁭. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀧𑀼𑀭𑀺𑀲𑁄 𑀫𑀳𑀸𑀲𑀫𑀼𑀤𑁆𑀤𑀢𑁄 𑀤𑁆𑀯𑁂 𑀯𑀸 𑀢𑀻𑀡𑀺 𑀯𑀸 𑀉𑀤𑀓𑀨𑀼𑀲𑀺𑀢𑀸𑀦𑀺 𑀉𑀤𑁆𑀥𑀭𑁂𑀬𑁆𑀬. 𑀢𑀁 𑀓𑀺𑀁 𑀫𑀜𑁆𑀜𑀣, 𑀪𑀺𑀓𑁆𑀔𑀯𑁂, 𑀓𑀢𑀫𑀁 𑀦𑀼 𑀔𑁄 𑀩𑀳𑀼𑀢𑀭𑀁 𑁋 𑀬𑀸𑀦𑀺 𑀤𑁆𑀯𑁂 𑀯𑀸 𑀢𑀻𑀡𑀺 𑀯𑀸 𑀉𑀤𑀓𑀨𑀼𑀲𑀺𑀢𑀸𑀦𑀺 𑀉𑀩𑁆𑀪𑀢𑀸𑀦𑀺, 𑀬𑀁 𑀯𑀸 𑀫𑀳𑀸𑀲𑀫𑀼𑀤𑁆𑀤𑁂 𑀉𑀤𑀓’’𑀦𑁆𑀢𑀺? ‘‘𑀏𑀢𑀤𑁂𑀯, 𑀪𑀦𑁆𑀢𑁂, 𑀩𑀳𑀼𑀢𑀭𑀁, 𑀬𑀤𑀺𑀤𑀁 𑁋 𑀫𑀳𑀸𑀲𑀫𑀼𑀤𑁆𑀤𑁂 𑀉𑀤𑀓𑀁; 𑀅𑀧𑁆𑀧𑀫𑀢𑁆𑀢𑀓𑀸𑀦𑀺 𑀤𑁆𑀯𑁂 𑀯𑀸 𑀢𑀻𑀡𑀺 𑀯𑀸 𑀉𑀤𑀓𑀨𑀼𑀲𑀺𑀢𑀸𑀦𑀺 𑀉𑀩𑁆𑀪𑀢𑀸𑀦𑀺. 𑀲𑀗𑁆𑀔𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺, 𑀉𑀧𑀦𑀺𑀥𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺, 𑀓𑀮𑀪𑀸𑀕𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺 𑀫𑀳𑀸𑀲𑀫𑀼𑀤𑁆𑀤𑁂 𑀉𑀤𑀓𑀁 𑀉𑀧𑀦𑀺𑀥𑀸𑀬 𑀤𑁆𑀯𑁂 𑀯𑀸 𑀢𑀻𑀡𑀺 𑀯𑀸 𑀉𑀤𑀓𑀨𑀼𑀲𑀺𑀢𑀸𑀦𑀺 𑀉𑀩𑁆𑀪𑀢𑀸𑀦𑀻’’𑀢𑀺. ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲…𑀧𑁂… 𑀬𑁄𑀕𑁄 𑀓𑀭𑀡𑀻𑀬𑁄’’𑀢𑀺. 𑀲𑀢𑁆𑀢𑀫𑀁.