𑁫. 𑀧𑀞𑀫𑀫𑀳𑀸𑀧𑀣𑀯𑀻𑀲𑀼𑀢𑁆𑀢𑀁

𑁧𑁧𑁨𑁫. ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀧𑀼𑀭𑀺𑀲𑁄 𑀫𑀳𑀸𑀧𑀣𑀯𑀺𑀬𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀉𑀧𑀦𑀺𑀓𑁆𑀔𑀺𑀧𑁂𑀬𑁆𑀬. 𑀢𑀁 𑀓𑀺𑀁 𑀫𑀜𑁆𑀜𑀣, 𑀪𑀺𑀓𑁆𑀔𑀯𑁂, 𑀓𑀢𑀫𑀁 𑀦𑀼 𑀔𑁄 𑀩𑀳𑀼𑀢𑀭𑀁 𑁋 𑀬𑀸 𑀯𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀉𑀧𑀦𑀺𑀓𑁆𑀔𑀺𑀢𑁆𑀢𑀸, 𑀅𑀬𑀁 𑀯𑀸 𑀫𑀳𑀸𑀧𑀣𑀯𑀻’’𑀢𑀺? ‘‘𑀏𑀢𑀤𑁂𑀯, 𑀪𑀦𑁆𑀢𑁂, 𑀩𑀳𑀼𑀢𑀭𑀁, 𑀬𑀤𑀺𑀤𑀁 𑁋 𑀫𑀳𑀸𑀧𑀣𑀯𑀻; 𑀅𑀧𑁆𑀧𑀫𑀢𑁆𑀢𑀺𑀓𑀸 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀉𑀧𑀦𑀺𑀓𑁆𑀔𑀺𑀢𑁆𑀢𑀸. 𑀲𑀗𑁆𑀔𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺, 𑀉𑀧𑀦𑀺𑀥𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺, 𑀓𑀮𑀪𑀸𑀕𑀫𑁆𑀧𑀺 𑀦 𑀉𑀧𑁂𑀦𑁆𑀢𑀺 𑀫𑀳𑀸𑀧𑀣𑀯𑀺𑀁 𑀉𑀧𑀦𑀺𑀥𑀸𑀬 𑀲𑀢𑁆𑀢 𑀓𑁄𑀮𑀝𑁆𑀞𑀺𑀫𑀢𑁆𑀢𑀺𑀬𑁄 𑀕𑀼𑀴𑀺𑀓𑀸 𑀉𑀧𑀦𑀺𑀓𑁆𑀔𑀺𑀢𑁆𑀢𑀸’’𑀢𑀺. ‘‘𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲…𑀧𑁂… 𑀬𑁄𑀕𑁄 𑀓𑀭𑀡𑀻𑀬𑁄’’𑀢𑀺. 𑀧𑀜𑁆𑀘𑀫𑀁.