𑁬-𑁧𑁧. 𑀙𑁂𑀤𑀦𑀸𑀤𑀺𑀲𑀼𑀢𑁆𑀢𑀁

𑁧𑁧𑁬𑁬-𑁧𑁧𑁭𑁧. …𑀧𑁂… 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀅𑀧𑁆𑀧𑀓𑀸 𑀢𑁂 𑀲𑀢𑁆𑀢𑀸 𑀬𑁂 𑀙𑁂𑀤𑀦𑀯𑀥𑀩𑀦𑁆𑀥𑀦𑀯𑀺𑀧𑀭𑀸𑀫𑁄𑀲𑀆𑀮𑁄𑀧𑀲𑀳𑀲𑀸𑀓𑀸𑀭𑀸 [𑀲𑀸𑀳𑀲𑀸𑀓𑀸𑀭𑀸 (𑀓.)] 𑀧𑀝𑀺𑀯𑀺𑀭𑀢𑀸; 𑀅𑀣 𑀔𑁄 𑀏𑀢𑁂𑀯 𑀩𑀳𑀼𑀢𑀭𑀸 𑀲𑀢𑁆𑀢𑀸 𑀬𑁂 𑀙𑁂𑀤𑀦𑀯𑀥𑀩𑀦𑁆𑀥𑀦𑀯𑀺𑀧𑀭𑀸𑀫𑁄𑀲𑀆𑀮𑁄𑀧𑀲𑀳𑀲𑀸𑀓𑀸𑀭𑀸 𑀅𑀧𑁆𑀧𑀝𑀺𑀯𑀺𑀭𑀢𑀸. 𑀢𑀁 𑀓𑀺𑀲𑁆𑀲 𑀳𑁂𑀢𑀼? 𑀅𑀤𑀺𑀝𑁆𑀞𑀢𑁆𑀢𑀸 𑀪𑀺𑀓𑁆𑀔𑀯𑁂, 𑀘𑀢𑀼𑀦𑁆𑀦𑀁 𑀅𑀭𑀺𑀬𑀲𑀘𑁆𑀘𑀸𑀦𑀁. 𑀓𑀢𑀫𑁂𑀲𑀁 𑀘𑀢𑀼𑀦𑁆𑀦𑀁? 𑀤𑀼𑀓𑁆𑀔𑀲𑁆𑀲 𑀅𑀭𑀺𑀬𑀲𑀘𑁆𑀘𑀲𑁆𑀲…𑀧𑁂… 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀺𑀬𑀸 𑀧𑀝𑀺𑀧𑀤𑀸𑀬 𑀅𑀭𑀺𑀬𑀲𑀘𑁆𑀘𑀲𑁆𑀲’’.

‘‘𑀢𑀲𑁆𑀫𑀸𑀢𑀺𑀳, 𑀪𑀺𑀓𑁆𑀔𑀯𑁂, ‘𑀇𑀤𑀁 𑀤𑀼𑀓𑁆𑀔’𑀦𑁆𑀢𑀺 𑀬𑁄𑀕𑁄 𑀓𑀭𑀡𑀻𑀬𑁄…𑀧𑁂… ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸’𑀢𑀺 𑀬𑁄𑀕𑁄 𑀓𑀭𑀡𑀻𑀬𑁄’’𑀢𑀺. 𑀏𑀓𑀸𑀤𑀲𑀫𑀁.

𑀘𑀢𑀼𑀢𑁆𑀣𑀆𑀫𑀓𑀥𑀜𑁆𑀜𑀧𑁂𑀬𑁆𑀬𑀸𑀮𑀯𑀕𑁆𑀕𑁄 𑀤𑀲𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀔𑁂𑀢𑁆𑀢𑀁 𑀓𑀸𑀬𑀁 𑀤𑀽𑀢𑁂𑀬𑁆𑀬𑀜𑁆𑀘, 𑀢𑀼𑀮𑀸𑀓𑀽𑀝𑀁 𑀉𑀓𑁆𑀓𑁄𑀝𑀦𑀁;

𑀙𑁂𑀤𑀦𑀁 𑀯𑀥𑀩𑀦𑁆𑀥𑀦𑀁, 𑀯𑀺𑀧𑀭𑀸𑀮𑁄𑀧𑀁 𑀲𑀸𑀳𑀲𑀦𑁆𑀢𑀺.