𑁧𑁦. 𑀧𑀜𑁆𑀘𑀲𑀻𑀮𑀲𑀼𑀢𑁆𑀢𑀁

𑁩𑁦𑁩. ‘‘𑀧𑀜𑁆𑀘𑀳𑀺, 𑀅𑀦𑀼𑀭𑀼𑀤𑁆𑀥, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀫𑀸𑀢𑀼𑀕𑀸𑀫𑁄 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀲𑀼𑀕𑀢𑀺𑀁 𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑀢𑀺. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺? 𑀧𑀸𑀡𑀸𑀢𑀺𑀧𑀸𑀢𑀸 𑀧𑀝𑀺𑀯𑀺𑀭𑀢𑁄 𑀘 𑀳𑁄𑀢𑀺, 𑀅𑀤𑀺𑀦𑁆𑀦𑀸𑀤𑀸𑀦𑀸 𑀧𑀝𑀺𑀯𑀺𑀭𑀢𑁄 𑀘 𑀳𑁄𑀢𑀺, 𑀓𑀸𑀫𑁂𑀲𑀼𑀫𑀺𑀘𑁆𑀙𑀸𑀘𑀸𑀭𑀸 𑀧𑀝𑀺𑀯𑀺𑀭𑀢𑁄 𑀘 𑀳𑁄𑀢𑀺, 𑀫𑀼𑀲𑀸𑀯𑀸𑀤𑀸 𑀧𑀝𑀺𑀯𑀺𑀭𑀢𑁄 𑀘 𑀳𑁄𑀢𑀺, 𑀲𑀼𑀭𑀸𑀫𑁂𑀭𑀬𑀫𑀚𑁆𑀚𑀧𑁆𑀧𑀫𑀸𑀤𑀝𑁆𑀞𑀸𑀦𑀸 𑀧𑀝𑀺𑀯𑀺𑀭𑀢𑁄 𑀘 𑀳𑁄𑀢𑀺 𑁋 𑀇𑀫𑁂𑀳𑀺 𑀔𑁄, 𑀅𑀦𑀼𑀭𑀼𑀤𑁆𑀥, 𑀧𑀜𑁆𑀘𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀫𑀸𑀢𑀼𑀕𑀸𑀫𑁄 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀲𑀼𑀕𑀢𑀺𑀁 𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑀢𑀻’’𑀢𑀺. 𑀤𑀲𑀫𑀁.

𑀤𑀼𑀢𑀺𑀬𑀧𑁂𑀬𑁆𑀬𑀸𑀮𑀯𑀕𑁆𑀕𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀤𑀼𑀢𑀺𑀬𑁂 𑀘 [𑀅𑀦𑀼𑀭𑀼𑀤𑁆𑀥𑁄 (𑀲𑀩𑁆𑀩𑀢𑁆𑀣)] 𑀅𑀓𑁆𑀓𑁄𑀥𑀦𑁄, 𑀅𑀦𑀼𑀧𑀦𑀸𑀳𑀻 𑀅𑀦𑀺𑀲𑁆𑀲𑀼𑀓𑀻;

𑀅𑀫𑀘𑁆𑀙𑀭𑀻 𑀅𑀦𑀢𑀺𑀘𑀸𑀭𑀻, 𑀲𑀻𑀮𑀯𑀸 𑀘 𑀩𑀳𑀼𑀲𑁆𑀲𑀼𑀢𑁄;

𑀯𑀻𑀭𑀺𑀬𑀁 𑀲𑀢𑀺 𑀲𑀻𑀮𑀜𑁆𑀘, 𑀲𑀼𑀓𑁆𑀓𑀧𑀓𑁆𑀔𑁂 𑀧𑀓𑀸𑀲𑀺𑀢𑁄.