𑁪. 𑀧𑀼𑀩𑁆𑀩𑀲𑀼𑀢𑁆𑀢𑀁

𑁨𑁭𑁨. ‘‘𑀧𑀼𑀩𑁆𑀩𑁂𑀯 𑀫𑁂, 𑀪𑀺𑀓𑁆𑀔𑀯𑁂, 𑀲𑀫𑁆𑀩𑁄𑀥𑀸 𑀅𑀦𑀪𑀺𑀲𑀫𑁆𑀩𑀼𑀤𑁆𑀥𑀲𑁆𑀲 𑀩𑁄𑀥𑀺𑀲𑀢𑁆𑀢𑀲𑁆𑀲𑁂𑀯 𑀲𑀢𑁄 𑀏𑀢𑀤𑀳𑁄𑀲𑀺 𑁋 ‘𑀓𑀢𑀫𑀸 𑀦𑀼 𑀔𑁄 𑀯𑁂𑀤𑀦𑀸, 𑀓𑀢𑀫𑁄 𑀯𑁂𑀤𑀦𑀸𑀲𑀫𑀼𑀤𑀬𑁄, 𑀓𑀢𑀫𑀸 𑀯𑁂𑀤𑀦𑀸𑀲𑀫𑀼𑀤𑀬𑀕𑀸𑀫𑀺𑀦𑀻 𑀧𑀝𑀺𑀧𑀤𑀸, 𑀓𑀢𑀫𑁄 𑀯𑁂𑀤𑀦𑀸𑀦𑀺𑀭𑁄𑀥𑁄, 𑀓𑀢𑀫𑀸 𑀯𑁂𑀤𑀦𑀸𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸? 𑀓𑁄 𑀯𑁂𑀤𑀦𑀸𑀬 𑀅𑀲𑁆𑀲𑀸𑀤𑁄, 𑀓𑁄 𑀆𑀤𑀻𑀦𑀯𑁄, 𑀓𑀺𑀁 𑀦𑀺𑀲𑁆𑀲𑀭𑀡’𑀦𑁆𑀢𑀺? 𑀢𑀲𑁆𑀲 𑀫𑀬𑁆𑀳𑀁, 𑀪𑀺𑀓𑁆𑀔𑀯𑁂, 𑀏𑀢𑀤𑀳𑁄𑀲𑀺 𑁋 ‘𑀢𑀺𑀲𑁆𑀲𑁄 𑀇𑀫𑀸 𑀯𑁂𑀤𑀦𑀸 𑁋 𑀲𑀼𑀔𑀸 𑀯𑁂𑀤𑀦𑀸, 𑀤𑀼𑀓𑁆𑀔𑀸 𑀯𑁂𑀤𑀦𑀸, 𑀅𑀤𑀼𑀓𑁆𑀔𑀫𑀲𑀼𑀔𑀸 𑀯𑁂𑀤𑀦𑀸. 𑀇𑀫𑀸 𑀯𑀼𑀘𑁆𑀘𑀦𑁆𑀢𑀺 𑀯𑁂𑀤𑀦𑀸. 𑀨𑀲𑁆𑀲𑀲𑀫𑀼𑀤𑀬𑀸 𑀯𑁂𑀤𑀦𑀸𑀲𑀫𑀼𑀤𑀬𑁄. 𑀢𑀡𑁆𑀳𑀸 𑀯𑁂𑀤𑀦𑀸𑀲𑀫𑀼𑀤𑀬𑀕𑀸𑀫𑀺𑀦𑀻 𑀧𑀝𑀺𑀧𑀤𑀸…𑀧𑁂… 𑀬𑁄 𑀯𑁂𑀤𑀦𑀸𑀬 𑀙𑀦𑁆𑀤𑀭𑀸𑀕𑀯𑀺𑀦𑀬𑁄 𑀙𑀦𑁆𑀤𑀭𑀸𑀕𑀧𑁆𑀧𑀳𑀸𑀦𑀁. 𑀇𑀤𑀁 𑀯𑁂𑀤𑀦𑀸𑀬 𑀦𑀺𑀲𑁆𑀲𑀭𑀡’’’𑀦𑁆𑀢𑀺. 𑀘𑀢𑀼𑀢𑁆𑀣𑀁.