𑁯. 𑀧𑀞𑀫𑀤𑁆𑀯𑀬𑀲𑀼𑀢𑁆𑀢𑀁

𑁯𑁨. ‘‘𑀤𑁆𑀯𑀬𑀁 𑀯𑁄, 𑀪𑀺𑀓𑁆𑀔𑀯𑁂, 𑀤𑁂𑀲𑁂𑀲𑁆𑀲𑀸𑀫𑀺. 𑀢𑀁 𑀲𑀼𑀡𑀸𑀣. 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀤𑁆𑀯𑀬𑀁? 𑀘𑀓𑁆𑀔𑀼𑀜𑁆𑀘𑁂𑀯 𑀭𑀽𑀧𑀸 𑀘, 𑀲𑁄𑀢𑀜𑁆𑀘𑁂𑀯 𑀲𑀤𑁆𑀤𑀸 𑀘, 𑀖𑀸𑀦𑀜𑁆𑀘𑁂𑀯 𑀕𑀦𑁆𑀥𑀸 𑀘, 𑀚𑀺𑀯𑁆𑀳𑀸 𑀘𑁂𑀯 𑀭𑀲𑀸 𑀘, 𑀓𑀸𑀬𑁄 𑀘𑁂𑀯 𑀨𑁄𑀝𑁆𑀞𑀩𑁆𑀩𑀸 𑀘, 𑀫𑀦𑁄 𑀘𑁂𑀯 𑀥𑀫𑁆𑀫𑀸 𑀘 𑁋 𑀇𑀤𑀁 𑀯𑀼𑀘𑁆𑀘𑀢𑀺, 𑀪𑀺𑀓𑁆𑀔𑀯𑁂, 𑀤𑁆𑀯𑀬𑀁.

‘‘𑀬𑁄, 𑀪𑀺𑀓𑁆𑀔𑀯𑁂, 𑀏𑀯𑀁 𑀯𑀤𑁂𑀬𑁆𑀬 𑁋 ‘𑀅𑀳𑀫𑁂𑀢𑀁 𑀤𑁆𑀯𑀬𑀁 𑀧𑀘𑁆𑀘𑀓𑁆𑀔𑀸𑀬 𑀅𑀜𑁆𑀜𑀁 𑀤𑁆𑀯𑀬𑀁 𑀧𑀜𑁆𑀜𑀧𑁂𑀲𑁆𑀲𑀸𑀫𑀻’𑀢𑀺, 𑀢𑀲𑁆𑀲 𑀯𑀸𑀘𑀸𑀯𑀢𑁆𑀣𑀼𑀓𑀫𑁂𑀯𑀲𑁆𑀲. 𑀧𑀼𑀝𑁆𑀞𑁄 𑀘 𑀦 𑀲𑀫𑁆𑀧𑀸𑀬𑁂𑀬𑁆𑀬. 𑀉𑀢𑁆𑀢𑀭𑀺𑀜𑁆𑀘 𑀯𑀺𑀖𑀸𑀢𑀁 𑀆𑀧𑀚𑁆𑀚𑁂𑀬𑁆𑀬. 𑀢𑀁 𑀓𑀺𑀲𑁆𑀲 𑀳𑁂𑀢𑀼? 𑀬𑀣𑀸 𑀢𑀁, 𑀪𑀺𑀓𑁆𑀔𑀯𑁂, 𑀅𑀯𑀺𑀲𑀬𑀲𑁆𑀫𑀺’’𑀦𑁆𑀢𑀺. 𑀦𑀯𑀫𑀁.