𑁧𑁦. 𑀨𑀕𑁆𑀕𑀼𑀦𑀧𑀜𑁆𑀳𑀸𑀲𑀼𑀢𑁆𑀢𑀁

𑁮𑁩. 𑀅𑀣 𑀔𑁄 𑀆𑀬𑀲𑁆𑀫𑀸 𑀨𑀕𑁆𑀕𑀼𑀦𑁄…𑀧𑁂… 𑀏𑀓𑀫𑀦𑁆𑀢𑀁 𑀦𑀺𑀲𑀺𑀦𑁆𑀦𑁄 𑀔𑁄 𑀆𑀬𑀲𑁆𑀫𑀸 𑀨𑀕𑁆𑀕𑀼𑀦𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 𑁋

‘‘𑀅𑀢𑁆𑀣𑀺 𑀦𑀼 𑀔𑁄, 𑀪𑀦𑁆𑀢𑁂, 𑀢𑀁 𑀘𑀓𑁆𑀔𑀼, 𑀬𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀝𑁆𑀝𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬…𑀧𑁂… 𑀅𑀢𑁆𑀣𑀺 𑀦𑀼 𑀔𑁄, 𑀪𑀦𑁆𑀢𑁂, 𑀲𑀸 𑀚𑀺𑀯𑁆𑀳𑀸, 𑀬𑀸𑀬 𑀚𑀺𑀯𑁆𑀳𑀸𑀬 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀝𑁆𑀝𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬…𑀧𑁂… 𑀅𑀢𑁆𑀣𑀺 𑀦𑀼 𑀔𑁄 𑀲𑁄, 𑀪𑀦𑁆𑀢𑁂, 𑀫𑀦𑁄, 𑀬𑁂𑀦 𑀫𑀦𑁂𑀦 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀝𑁆𑀝𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬𑀸’’𑀢𑀺?

‘‘𑀦𑀢𑁆𑀣𑀺 𑀔𑁄 𑀢𑀁, 𑀨𑀕𑁆𑀕𑀼𑀦, 𑀘𑀓𑁆𑀔𑀼, 𑀬𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀝𑁆𑀝𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬 …𑀧𑁂… 𑀦𑀢𑁆𑀣𑀺 𑀔𑁄 𑀲𑀸, 𑀨𑀕𑁆𑀕𑀼𑀦, 𑀚𑀺𑀯𑁆𑀳𑀸, 𑀬𑀸𑀬 𑀚𑀺𑀯𑁆𑀳𑀸𑀬 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀝𑁆𑀝𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬…𑀧𑁂… 𑀦𑀢𑁆𑀣𑀺 𑀔𑁄 𑀲𑁄, 𑀨𑀕𑁆𑀕𑀼𑀦, 𑀫𑀦𑁄, 𑀬𑁂𑀦 𑀫𑀦𑁂𑀦 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀝𑁆𑀝𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬𑀸’’𑀢𑀺. 𑀤𑀲𑀫𑀁.

𑀕𑀺𑀮𑀸𑀦𑀯𑀕𑁆𑀕𑁄 𑀅𑀝𑁆𑀞𑀫𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀕𑀺𑀮𑀸𑀦𑁂𑀦 𑀤𑀼𑀯𑁂 𑀯𑀼𑀢𑁆𑀢𑀸, 𑀭𑀸𑀥𑁂𑀦 𑀅𑀧𑀭𑁂 𑀢𑀬𑁄;

𑀅𑀯𑀺𑀚𑁆𑀚𑀸𑀬 𑀘 𑀤𑁆𑀯𑁂 𑀯𑀼𑀢𑁆𑀢𑀸, 𑀪𑀺𑀓𑁆𑀔𑀼 𑀮𑁄𑀓𑁄 𑀘 𑀨𑀕𑁆𑀕𑀼𑀦𑁄𑀢𑀺.