𑁯. 𑀥𑀸𑀢𑀼𑀲𑀼𑀢𑁆𑀢𑀁

𑁩𑁩𑁦. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. ‘‘𑀬𑁄, 𑀪𑀺𑀓𑁆𑀔𑀯𑁂, 𑀧𑀣𑀯𑀻𑀥𑀸𑀢𑀼𑀬𑀸 𑀙𑀦𑁆𑀤𑀭𑀸𑀕𑁄, 𑀘𑀺𑀢𑁆𑀢𑀲𑁆𑀲𑁂𑀲𑁄 𑀉𑀧𑀓𑁆𑀓𑀺𑀮𑁂𑀲𑁄. 𑀬𑁄 𑀆𑀧𑁄𑀥𑀸𑀢𑀼𑀬𑀸… 𑀬𑁄 𑀢𑁂𑀚𑁄𑀥𑀸𑀢𑀼𑀬𑀸… 𑀬𑁄 𑀯𑀸𑀬𑁄𑀥𑀸𑀢𑀼𑀬𑀸… 𑀬𑁄 𑀆𑀓𑀸𑀲𑀥𑀸𑀢𑀼𑀬𑀸… 𑀬𑁄 𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑀸 𑀙𑀦𑁆𑀤𑀭𑀸𑀕𑁄, 𑀘𑀺𑀢𑁆𑀢𑀲𑁆𑀲𑁂𑀲𑁄 𑀉𑀧𑀓𑁆𑀓𑀺𑀮𑁂𑀲𑁄. 𑀬𑀢𑁄 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼𑀦𑁄 𑀇𑀫𑁂𑀲𑀼 𑀙𑀲𑀼 𑀞𑀸𑀦𑁂𑀲𑀼 𑀘𑁂𑀢𑀲𑁄 𑀉𑀧𑀓𑁆𑀓𑀺𑀮𑁂𑀲𑁄 𑀧𑀳𑀻𑀦𑁄 𑀳𑁄𑀢𑀺, 𑀦𑁂𑀓𑁆𑀔𑀫𑁆𑀫𑀦𑀺𑀦𑁆𑀦𑀜𑁆𑀘𑀲𑁆𑀲 𑀘𑀺𑀢𑁆𑀢𑀁 𑀳𑁄𑀢𑀺. 𑀦𑁂𑀓𑁆𑀔𑀫𑁆𑀫𑀧𑀭𑀺𑀪𑀸𑀯𑀺𑀢𑀁 𑀘𑀺𑀢𑁆𑀢𑀁 𑀓𑀫𑁆𑀫𑀦𑀺𑀬𑀁 𑀔𑀸𑀬𑀢𑀺, 𑀅𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀭𑀡𑀻𑀬𑁂𑀲𑀼 𑀥𑀫𑁆𑀫𑁂𑀲𑀽’’𑀢𑀺. 𑀦𑀯𑀫𑀁.