𑁯. 𑀥𑀸𑀢𑀼𑀲𑀼𑀢𑁆𑀢𑀁

𑁩𑁨𑁦. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. ‘‘𑀬𑁄 𑀔𑁄, 𑀪𑀺𑀓𑁆𑀔𑀯𑁂, 𑀧𑀣𑀯𑀻𑀥𑀸𑀢𑀼𑀬𑀸 𑀉𑀧𑁆𑀧𑀸𑀤𑁄 𑀞𑀺𑀢𑀺 𑀅𑀪𑀺𑀦𑀺𑀩𑁆𑀩𑀢𑁆𑀢𑀺 𑀧𑀸𑀢𑀼𑀪𑀸𑀯𑁄…𑀧𑁂… 𑀚𑀭𑀸𑀫𑀭𑀡𑀲𑁆𑀲 𑀧𑀸𑀢𑀼𑀪𑀸𑀯𑁄; 𑀬𑁄 𑀆𑀧𑁄𑀥𑀸𑀢𑀼𑀬𑀸… 𑀬𑁄 𑀢𑁂𑀚𑁄𑀥𑀸𑀢𑀼𑀬𑀸… 𑀬𑁄 𑀯𑀸𑀬𑁄𑀥𑀸𑀢𑀼𑀬𑀸… 𑀬𑁄 𑀆𑀓𑀸𑀲𑀥𑀸𑀢𑀼𑀬𑀸… 𑀬𑁄 𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑀸 𑀉𑀧𑁆𑀧𑀸𑀤𑁄 𑀞𑀺𑀢𑀺 𑀅𑀪𑀺𑀦𑀺𑀩𑁆𑀩𑀢𑁆𑀢𑀺 𑀧𑀸𑀢𑀼𑀪𑀸𑀯𑁄, 𑀤𑀼𑀓𑁆𑀔𑀲𑁆𑀲𑁂𑀲𑁄 𑀉𑀧𑁆𑀧𑀸𑀤𑁄, 𑀭𑁄𑀕𑀸𑀦𑀁 𑀞𑀺𑀢𑀺, 𑀚𑀭𑀸𑀫𑀭𑀡𑀲𑁆𑀲 𑀧𑀸𑀢𑀼𑀪𑀸𑀯𑁄. 𑀬𑁄 𑀘 𑀔𑁄, 𑀪𑀺𑀓𑁆𑀔𑀯𑁂, 𑀧𑀣𑀯𑀻𑀥𑀸𑀢𑀼𑀬𑀸 𑀦𑀺𑀭𑁄𑀥𑁄…𑀧𑁂… 𑀚𑀭𑀸𑀫𑀭𑀡𑀲𑁆𑀲 𑀅𑀢𑁆𑀣𑀗𑁆𑀕𑀫𑁄; 𑀬𑁄 𑀆𑀧𑁄𑀥𑀸𑀢𑀼𑀬𑀸 𑀦𑀺𑀭𑁄𑀥𑁄… 𑀬𑁄 𑀢𑁂𑀚𑁄𑀥𑀸𑀢𑀼𑀬𑀸 𑀦𑀺𑀭𑁄𑀥𑁄… 𑀬𑁄 𑀯𑀸𑀬𑁄𑀥𑀸𑀢𑀼𑀬𑀸 𑀦𑀺𑀭𑁄𑀥𑁄… 𑀬𑁄 𑀆𑀓𑀸𑀲𑀥𑀸𑀢𑀼𑀬𑀸 𑀦𑀺𑀭𑁄𑀥𑁄… 𑀬𑁄 𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑀸 𑀦𑀺𑀭𑁄𑀥𑁄 𑀯𑀽𑀧𑀲𑀫𑁄 𑀅𑀢𑁆𑀣𑀗𑁆𑀕𑀫𑁄, 𑀤𑀼𑀓𑁆𑀔𑀲𑁆𑀲𑁂𑀲𑁄 𑀦𑀺𑀭𑁄𑀥𑁄, 𑀭𑁄𑀕𑀸𑀦𑀁 𑀯𑀽𑀧𑀲𑀫𑁄, 𑀚𑀭𑀸𑀫𑀭𑀡𑀲𑁆𑀲 𑀅𑀢𑁆𑀣𑀗𑁆𑀕𑀫𑁄’’𑀢𑀺. 𑀦𑀯𑀫𑀁.