𑁧𑁨. 𑀦𑀺𑀭𑁄𑀥𑀥𑀫𑁆𑀫𑀲𑀼𑀢𑁆𑀢𑀁

𑁧𑁮𑁧. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. 𑀏𑀓𑀫𑀦𑁆𑀢𑀁 𑀦𑀺𑀲𑀺𑀦𑁆𑀦𑁄 𑀔𑁄 𑀆𑀬𑀲𑁆𑀫𑀸 𑀭𑀸𑀥𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 𑁋 ‘‘‘𑀦𑀺𑀭𑁄𑀥𑀥𑀫𑁆𑀫𑁄, 𑀦𑀺𑀭𑁄𑀥𑀥𑀫𑁆𑀫𑁄’𑀢𑀺, 𑀪𑀦𑁆𑀢𑁂, 𑀯𑀼𑀘𑁆𑀘𑀢𑀺. 𑀓𑀢𑀫𑁄 𑀦𑀼 𑀔𑁄, 𑀪𑀦𑁆𑀢𑁂, 𑀦𑀺𑀭𑁄𑀥𑀥𑀫𑁆𑀫𑁄’’𑀢𑀺? ‘‘𑀭𑀽𑀧𑀁 𑀔𑁄, 𑀭𑀸𑀥, 𑀦𑀺𑀭𑁄𑀥𑀥𑀫𑁆𑀫𑁄, 𑀯𑁂𑀤𑀦𑀸 𑀦𑀺𑀭𑁄𑀥𑀥𑀫𑁆𑀫𑁄, 𑀲𑀜𑁆𑀜𑀸 𑀦𑀺𑀭𑁄𑀥𑀥𑀫𑁆𑀫𑁄, 𑀲𑀗𑁆𑀔𑀸𑀭𑀸 𑀦𑀺𑀭𑁄𑀥𑀥𑀫𑁆𑀫𑁄, 𑀯𑀺𑀜𑁆𑀜𑀸𑀡𑀁 𑀦𑀺𑀭𑁄𑀥𑀥𑀫𑁆𑀫𑁄. 𑀏𑀯𑀁 𑀧𑀲𑁆𑀲𑀁…𑀧𑁂… 𑀦𑀸𑀧𑀭𑀁 𑀇𑀢𑁆𑀣𑀢𑁆𑀢𑀸𑀬𑀸𑀢𑀺 𑀧𑀚𑀸𑀦𑀸𑀢𑀻’’𑀢𑀺. 𑀤𑁆𑀯𑀸𑀤𑀲𑀫𑀁.

𑀭𑀸𑀥𑀲𑀁𑀬𑀼𑀢𑁆𑀢𑀲𑁆𑀲 𑀤𑀼𑀢𑀺𑀬𑁄 𑀯𑀕𑁆𑀕𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀫𑀸𑀭𑁄 𑀘 𑀫𑀸𑀭𑀥𑀫𑁆𑀫𑁄 𑀘, 𑀅𑀦𑀺𑀘𑁆𑀘𑁂𑀦 𑀅𑀧𑀭𑁂 𑀤𑀼𑀯𑁂;

𑀤𑀼𑀓𑁆𑀔𑁂𑀦 𑀘 𑀤𑀼𑀯𑁂 𑀯𑀼𑀢𑁆𑀢𑀸, 𑀅𑀦𑀢𑁆𑀢𑁂𑀦 [𑀅𑀦𑀢𑁆𑀢𑁂𑀳𑀺 (𑀲𑀻. 𑀲𑁆𑀬𑀸. 𑀓𑀁.)] 𑀢𑀣𑁂𑀯 𑀘;

𑀔𑀬𑀯𑀬𑀲𑀫𑀼𑀤𑀬𑀁, 𑀦𑀺𑀭𑁄𑀥𑀥𑀫𑁆𑀫𑁂𑀦 𑀤𑁆𑀯𑀸𑀤𑀲𑀸𑀢𑀺.